សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកូរ៉េដឹកទំនិញមួយគ្រឿងខណៈកំពុងបេីកបរសុខៗស្រាប់តែដាច់ហ្វ្រាំងចាប់មិនជាប់ក៏បួងចង្កូតគេចរថយន្តខាងមុខជ្រុលឡេីងឃឿនទ្រូងផ្លូវបុកបង្គោលស្លាកស្រាបៀរមួយដេីមរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង៥និង២០នាទីល្ងាច ថ្ងៃទី២៦ ខែមេសា ឆ្នាំ២០២៣ នៅមុខផ្សារកាណាស៊ីធី តាមបណ្តោយផ្លូវចោមចៅ សង្កាត់ចោមទី២ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តកូរ៉េ ពណ៌ស ពាក់ស្លាកលេខកំពង់ចាម3B 1302 ដឹកភេជ្ជៈធ្វេីដំណេីរតាមបណ្តោយផ្លូវចោមចៅក្នុងទិសដៅពីលិចទៅកេីតខណៈមកដល់ចំណុចកេីតហេតុដោយមានរថយន្តខាងមុខបង្អង់ល្បឿនក៏ចាប់ហ្វ្រាំងតែមិនជាប់ទេីបបួងចង្កូតគេចមកខាងឆ្វេងដៃឡេីងឃឿនពុះចែកទ្រូងផ្លូវបុកបង្គោលស្លាកសញ្ញាស្រាបៀរមួយដេីមរងការខូចខាតតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុទាក់ទងទៅជំនាញមកស្ទូចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំដោះស្រាយពេលក្រោយ៕
ដោយ៖សុខាសែនជ័យ
