សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសបែកមុខបែកមាត់និងម្នាក់ទៀតបានរងរបួសស្រាលបន្ទាប់ពីពួកគេជិះម៉ូតូលឿនមិនប្រយ័ត្នជ្រុលទៅបុកឡំប្រឺតាខណៈកំពុងបត់ឆ្លងផ្លូវ កាលពីវេលាម៉ោង១១និង២០នាទីយប់ ថ្ងៃទី៩ ខែមិថុនា ឆ្នាំ២០២៣ នៅតាមបណ្តោយផ្លូវលេខ៤៣២កែងផ្លូវលេខ១៦៧ ស្ថិតក្នុងសង្កាត់ផ្សារដេីមថ្កូវ ខណ្ឌចំការមន។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញឡំប្រឺតាមួយគ្រឿងធ្វេីដំណេីរតាមបណ្តោយផ្លូវលេខ៤៣២ ក្នុងទិសដៅពីលិចទៅកេីតខណៈមកដល់ចំណុចកេីតហេតុស្រាប់តែស៊ីញ៉ូបត់ឆ្វេងឆ្លងផ្លូវបំណងទៅផ្លូវលេខ១៦៧ តែភ្លាមនោះស្រាប់តែមានបុរស២នាក់ជិះម៉ូតូហុងដាពណ៌ខ្មៅ ពាក់ស្លាកលេខកំពង់ចាម1F-1476 ធ្វេីដំណេីរតាមបណ្តោយផ្លូវលេខ៤៣២ក្នុងទិសដៅពីកេីតទៅលិចក្នុងល្បឿនលឿនមិនប្រយ័ត្នក៏ជ្រុលទៅបុកពេញទំហឹងបណ្តាលឱ្យអ្នកជិះខាងក្រោយរងរបួសបែកមុខមាត់ ចំណែកម៉ូតូនិងឡំប្រឺតាក៏រងការខូចខាតផងដែរ។
ក្រោយកេីតហេតុសមត្ថកិច្ចបានចុះមកដល់ចំណុចកើតហេតុនិងធ្វេីការសម្របសម្រួលភាគីទាំងសងខាង៕
ដោយ៖សុខាសែនជ័យ
