សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកូរ៉េម៉ាកហ៊ីយ៉ាន់ដាយដឹកពងទាមួយគ្រឿងបេីកបរសុខៗក៏បែកកង់មុខរេឡេីងសួនច្បារពុះចែកទ្រូងផ្លូវក្រឡាប់ចាក់ពងទាចោលពេញផ្លូវ កាលពីវេលាម៉ោង៤រសៀលថ្ងៃទី២០ ខែមិថុនា ឆ្នាំ២០២៣ នៅតាមបណ្តោយផ្លូវក្រវ៉ាត់ក្រុង៦០ម៉ែត្រ ស្ថិតក្នុងភូមិព្រៃកី សង្កាត់ភ្លេីងឆេះរទះ ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តកូរ៉េ ម៉ាកហ៊ីយ៉ាន់ដាយពណ៌ស ពាក់ស្លាកលេខពោធិ៍សាត់ 3A 8031 ដឹកពងទាពេញរថយន្តធ្វេីដំណេីរក្នុងទិសដៅពីត្បូងទៅជេីងខណៈមកដល់ចំណុចកេីតហេតុស្រាប់តែបែកកង់មុខខាងស្តាំរេចង្កូតមកខាងឆ្វេងដៃឡេីងសួនច្បារពុះចែកទ្រូងផ្លូវបណ្តាលឱ្យក្រឡាប់ផ្ងារជេីងចាក់ពងទាចោលពេញផ្លូវសំណាងមិនមានមនុស្សរងរបួស។
ក្រោយកេីតហេតុម្ចាស់រថយន្តបង្កបានសម្របសម្រួលជាមួយក្រុមហ៊ុនចិនជួសជុលផ្លូវដេីម្បីបញ្ចប់រឿង៕
ដោយ៖សុខាសែនជ័យ
