សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡង់គ្រីស័រមួយគ្រឿងបានក្រឡាប់ផ្ងារជេីងបណ្តាលឱ្យរងការខូចខាតបន្ទាប់ពីបុកជាមួយរថយន្តឡិចស៊ីស400h នៅត្រង់ផ្លូវបំបែកជាបួន កាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី២១ ខែមិថុនា ឆ្នាំ២០២៣ នៅចំណុចផ្លូវលេខ៦១៤កែងផ្លូវលេខ២៩១ ស្ថិតក្នុងសង្កាត់បឹងកក់ទី២ ខណ្ឌទួលគោក។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកឡង់គ្រីស័រពណ៌ទឹកប្រាក់ ពាក់ស្លាកលេខភ្នំពេញ2I-8665 ធ្វេីដំណេីរតាមបណ្តោយផ្លូវលេខ៦១៤ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែមានរថយន្តម៉ាកឡិចស៊ីស RX 400h ពាក់ស្លាកលេខខេមរភូមិន្ទ 02. 2-9743 ធ្វេីដំណេីរតាមបណ្តោយផ្លូវលេខ២៩១ ក្នុងទិសដៅពីជេីងទៅត្បូងក៏ជ្រុលទៅបុកពេញទំហងបណ្តាលឱ្យរថយន្តឡង់គ្រីស័រក្រឡាប់ផ្ងារជេីង តែសំណាងល្អមិនមានមនុស្សរងរបួស។
ក្រោយកេីតហេតុរថយន្តទាំងពីរគ្រឿងត្រូវបានសមត្ថកិច្ចជំនាញយកទៅរក្សាទុកនៅអធិការដ្ឋាននគរបាលខណ្ឌដេីម្បីរង់ចាំដោះស្រាយពេលក្រោយ៕
ដោយ៖ សុខាសែនជ័យ
