សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តហាយឡេនឌ័របេីកលឿនជ្រុលទៅបុករថយន្តព្រូសនៅត្រង់ផ្លូវបំបែកជាបួនវិល២ជុំទៅបោកផ្ទប់ជាមួយរ៉ឺម៉កលក់ស្បែកជេីងបណ្តាលឱ្យរងការខូចខាត ហេីយរថយន្តបង្កបានបេីកគេចខ្លួនបាត់។
ហេតុការណ៍នេះបានកេីតឡេីងកាលពីវេលាម៉ោង១១និង២០នាទីយប់ ថ្ងៃទី២៨ ខែមិថុនា ឆ្នាំ២០២៣នៅត្រង់ចំណុចផ្លូវលេខ១១៣ កែងផ្លូវលេខ៣៦០ ស្ថិតក្នុងសង្កាត់បឹងកេងកងទី៣ ខណ្ឌចំការមន។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកព្រូស ពណ៌ខ្មៅ ពាក់ស្លាកលេខភ្នំពេញ2BL-0451 ធ្វេីដំណេីរតាមបណ្តោយផ្លូវលេខ៣៦០ ក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានរថយន្តម៉ាកហាយឡេនឌ័រ មិនចាំស្លាកលេខធ្វេីដំណេីរតាមបណ្តោយផ្លូវលេខ១១៣ ក្នុងទិសដៅពីជេីងទៅត្បូងយ៉ាងលឿនហើយជ្រុលទៅបុករថយន្តព្រូសចំពីចំហៀងពេញទំហឹងបណ្តាលឱ្យវិល២ជុំទៅបោកផ្ទប់នឹងរ៉ឺម៉កលក់ស្បែកជេីងគាបជាប់រងការខូចខាតតែមិនមានមនុស្សរងរបួសនោះទេ។ ភ្លាមៗនោះរថយន្តបង្កបានបេីកគេចខ្លួនបាត់ទៅ។
ក្រោយកេីតហេតុភាគីខាងរថយន្តព្រូសចេញថ្លៃជួសជុលទៅម្ចាស់រ៉ឺម៉កដេីម្បីបញ្ចប់រឿងនៅកន្លែងកេីតហេតុ៕
ដោយ៖ សុខាសែនជ័យ
