សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ យោងតាមរបាយការណ៍ពីមន្ត្រីនគរបាលជំនាញស្រុកសាលាក្រៅបានឱ្យដឹងថា នៅវេលាម៉ោង ១៨ និង ០០នាទី ថ្ងៃទី១៦ ខែសីហា ឆ្នាំ២០២៣ កម្លាំងជំនាញផ្នែកនគរបាលយុត្តិធម៌ នៃអធិការដ្ឋាននគរបាលស្រុកសាលាក្រៅ បាននាំខ្លួនជនត្រូវចោទចំនួន ០២ នាក់ពីបទលួចនិងប្រើប្រាស់សារធាតុញៀនទៅពន្ធនាគារ ដែលមានឈ្មោះដូចក្រោម ៖
-ទី១ ជនត្រូវចោទឈ្មោះ មឿន បូរៈ ភេទប្រុស អាយុ ២៣ ឆ្នាំ ជនជាតិខ្មែរ ទីលំនៅបច្ចុប្បន្ន ភូមិដីសរថ្មី ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
-ទី២ ជនត្រូវចោទឈ្មោះ ដេីក ណាលីម ភេទប្រុស អាយុ ៣២ឆ្នាំ ជនជាតិខ្មែរ ទីលំនៅបច្ចុប្បន្ន ភូមិដីសរថ្មី ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ។
មន្ត្រីសមត្ថកិច្ចជំនាញបានបន្តថា ជនដែលពាក់ព័ន្ធក្នុងករណី លួច និងប្រើប្រាស់សារធាតុញៀនដោយខុសច្បាប់ នៅភូមិដីសរថ្មី ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ទៅកាន់ពន្ធនាគារខេត្តប៉ៃលិន តាមដីកាបង្គាប់ឲ្យឃុំខ្លួនរបស់លោក ហ៊ុយ ទីហួ ចៅក្រមស៊ើបសួរ នៃសាលាដំបូងខេត្តប៉ៃលិន៕
ដោយ ៖ ស សារ៉េត
