សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បេីករថយន្តទាំងងងុយដេកបានរេចង្កូតទៅបុករថយន្តសាលាបង្រៀនបេីកបរនិងម៉ូតូ២គ្រឿងរួមទាំងផ្ទះប្រជាពលរដ្ឋបណ្តាលឱ្យរងការខូចខាត តែសំណាងដែរដែលមិនមានមនុស្សរងរបួស។
ហេតុការណ៍នេះបានកេីតឡេីងកាលពីវេលាម៉ោង១១និង២០នាទីព្រឹក ថ្ងៃទី១៧ ខែសីហា ឆ្នាំ២០២៣ នៅចំណុចខាងជេីងបន្ទាយង៧០ តាមបណ្តោយផ្លូវជាតិលេខ៣ ស្ថិតក្នុងសង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឱ្យដឹងថា នៅមុនពេលកេីតហេតុរថយន្តម៉ាកឡិចស៊ីស ពាក់ស្លាកលេខភ្នំពេញ2T-0337 ជារថយន្តសាលាបង្ក្រៀនបេីកបរ ម៉ូតូម៉ាកស្គូពីពណ៌ក្រហម ពាក់ស្លាកលេខភ្នំពេញ1HP-4431 និងម៉ូតូធុនធំពណ៌ទឹកដោះគោ ពាក់ស្លាកលេខភ្នំពេញ1GT -0981 កំពុងឈប់នៅលេីចិញ្ចេីមផ្លូវ ភ្លាមនោះស្រាប់តែមានបុរសម្នាក់បេីករថយន្តម៉ាកISUZU ពណ៌ស ពាក់ស្លាកលេខភ្នំពេញ2BE-6448 ធ្វេីដំណេីរតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូង ខណៈដល់ចំណុចកេីតហេតុក៏រេចង្កូតទៅបុករថយន្តឡិចស៊ីសហេីយបន្តទៅបុកម៉ូតូ១គ្រឿងនិងផ្ទះប្រជាពលរដ្ឋមួយកន្លែងខូចខាតសម្ភារមួយចំនួន ហេីយរថយន្តបង្កនៅមិនទាន់អស់ល្បឿនបានបន្តទៅបុកម៉ូតូមួយគ្រឿងទៀតរងបណ្តាលឱ្យរងការខូចខាត តែសំណាងល្អមិនមានមនុស្សរងរបួស។
ក្រោយកេីតហេតុភាគីខាងរថយន្តបង្កបានសម្របសម្រួលព្រមទទួលកំហុសចេញថ្លៃជួសជុលទាំងអស់ទៅភាគីខាងគ្រោះដេីម្បីបញ្ចប់រឿងនៅកន្លែងកេីតហេតុ៕
ដោយ៖ សុខាសែនជ័យ
