សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សមត្ថកិច្ចនគរបាលខណ្ឌឬស្សីកែវបង្រ្កាបជាក់ស្ដែងករណីជួញដូរដោយខុសច្បាប់នូវសារធាតញៀន ឃាត់ខ្លួនជនសង្ស័យ៤នាក់ ជាមួយថ្នាំញៀន៣កញ្ចប់ កាលពីម៉ោង២និង៣០នាទីរសៀល ថ្ងៃទី ០៥ខែមីនា ឆ្នាំ២០២៤នៅចំណុច បន្ទប់ជួលសំណង់មិនរៀបរយ ក្រុមទី៤ ភូមិទួលសង្កែ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ។
លោកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា សង្ស័យចំនួន ០៤នាក់មាន ៖
ទី១.ឈ្មោះ រ៉ែម សុខហេង ភេទប្រុស អាយុ ២៤ ឆ្នាំជនជាតិខែ្មរ មានទីលំនៅ ភូមិ ចុងខ្សាច់ សង្កាត់ទួលសងែ្ក១ ខណ្ឧឫស្សីកែវ រាជធានីភ្នំពេញ មុខរបរ កម្មករ ។
២.ឈ្មោះ នួន ភារ៉ា ភេទ ប្រុស អាយុ ២៣ឆ្នាំ ជនជាតិ ខ្មែរ មានទីលំនៅ ភូមិ ចុងខ្សាច់ សង្កាត់ ទួលសង្កែទី២ ខណ្ឌឬស្សីកែវ មុខរបរ កម្មករ។
៣.ឈ្មោះ សុំ សុធា ភេទ ប្រុស អាយុ ៤៩ ឆ្នាំ ជនជាតិខ្មែរ មានទីលំនៅ សង្កាត់ ពោធិ៍សែនជ័យ រាជធានីភ្នំពេញ។
៤.ឈ្មោះ ចាន់ រ៉ា ភេទ ប្រុស អាយុ ១៨ ឆ្នាំ ជនជាតិខ្មែរ មានទីលំនៅ ភូមិ វាល សង្កាត់ ត្រពាំងក្រសាំង ខណ្ឌ ពោធិ៍សែនជ័យ រាជធានីភ្នំពេញ។
សម្ភារៈដកហូតរួមមាន ក្រាមពណ៌សថ្លាសង្ស័យជាគ្រឿងញៀនចំនួន០៣ កញ្ចប់ ជញ្ជីងសំរាប់ថ្លឹងគ្រឿងញៀនចំនួន០១គ្រឿង ថង់សំរាប់ច្រកគ្រឿងញៀនមួយចំនួន។
បច្ចុប្បន្នជនសង្ស័យទាំង៤នាក់ រួមទាំងវត្ថុតាងកំពុងឃាត់ខ្លួនបណ្តោះអាសន្ននៅអធិការនគរបាលខណ្ឌឬស្សីកែវ ដើម្បីកសាងសំណុំរឿងបញ្ចូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕
ដោយ៖ ជ្រោយពេជ្រ
