សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានបើករថយន្តម៉ាក Nissan FRONTIER មួយូគ្រឿងបោះពួយយ៉ាងលឿនហើយក៏រេចង្កូតជ្រុលទៅបុករះរបាំងថ្មបាក់អស់ជាច្រើនកង់ចំណែករថយន្តខូចខាតយ៉ាងដំណំ។
ហេតុការណ៍គ្រោះថ្នាក់ចរាចរណ៍ខាងលើនេះបង្កឱ្យមានការភ្ញាក់ផ្អើលកាលពីវេលាម៉ោង១១យប់ថ្ងៃទី៨ ខែឧសភា ឆ្នាំ២០២៤នៅតាមបណ្ដោយផ្លូវព្រះសីហនុកែងផ្លូវលេខ១១៣ ក្នុងសង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ។
ប្រភពពីកន្លែងកើតហេតុបានឱ្យដឹងថា មុនពេលកើតហេតុគេឃើញរថយន្តម៉ាកNissan FRONTIER ពណ៌ទឹកប្រាក់ ពាក់ស្លាកលេខ ភ្នំពេញ 2AH-7213 បើកបរដោយបុរសម្នាក់ធ្វើដំណើរតាមបណ្តោយផ្លូវព្រះសីហនុពីលិចទៅកើតក្នុងល្បឿនលឿន ខណៈបើកមកដល់ចំណុចកើតហេតុក៏បានរេចង្កូតទៅបុករះរបាំងថ្មបាក់រេលអស់ជាច្រើនកង់រងការខូចខាត ចំណែករថយន្តបង្កខូចខាតផ្នែកខាងមុខយ៉ាងដំណំ តែសំណាងល្អមិនមានគ្រោះថ្នាក់ដល់មនុស្ស ហើយអ្នកបើករថយន្តបង្កហេតុក៏បានគេចខ្លួនពីកន្លែងកើតហេតុបាត់តែម្តង។
ក្រោយកេីតហេតុសមត្ថកិច្ចមូលដ្ឋានសហការជាមួយខាងជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញបានធ្វេីការវាស់វែងស្ទូចយករថយន្តបង្កទៅរក្សាទុកដេីម្បីរង់ចាំដោះស្រាយនៅពេលក្រោយ ៕
ដោយ៖សុខាសែនជ័យ
