🔥អគ្គិភ័យឆាបឆេះតូបលក់នំ របស់អាជីវករនៅផ្សារចិនក្រុងព្រះសីហនុ

ខេត្តព្រះសីហនុ៖ អគ្គិភ័យឆាបឆេះតូបលក់នំ របស់អាជីវករនៅផ្សារចិន បង្កឲ្យមានការភ្ញាក់ផ្អើលដល់ប្រជាពលរដ្ឋរស់នៅក្បែរនោះនិងសមត្ថកិច្ចបង្ការនិងពន្លត់អគ្គិភ័យចេញរថយន្តជួយអន្តរាគមន៍។

ហេតុការណ៍នេះបានបង្កឲ្យមានការភ្ញាក់ផ្អើលឡើងកាលពីម៉ោង៧និង៤៥នាទីយប់ ថ្ងៃទី៨ខែសីហាឆ្នាំ២០២៤ស្ថិតនៅក្នុងចំណុចក្រុម៣០ ភូមិ១ សង្កាត់លេខ៤ក្រុង/ខេត្តព្រះសីហនុ។

យោងតាមប្រភពពីសមត្ថកិច្ច បានឲ្យដឹងថា តូបដែលឆេះ សាងសង់ពីថ្មប្រក់សង្ក័សីទំហំទទឹង៣ម៉ែត្រនឹងបណ្តោយ៤ម៉ែត្រមានម្ចាស់ជាជនរងគ្រោះឈ្មោះ ស៊ុនស្រីកែវ ភេទស្រី អាយុ៤០ឆ្នាំជនជាតិខ្មែរ រងការខូចខាតសម្ភារៈរួមមាន ៖ សម្ភារៈសំរាប់ធ្វើនំនឹងរបស់របរប្រើប្រាស់ទាំងស្រុង តែសំណាងល្អមិនមានមនុស្សស្លាប់ឬរងរបួសឡើយ។

ករណីអគ្គិភ័យនេះដែរកម្លាំងបង្ការនិងពន្លត់អគ្គិភ័យបានចេញរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តព្រះសីហនុចំនួន០២គ្រឿងបានប្រើប្រាស់ទឹកអស់ចំនួន០១ឡានស្មើរនឹង៦ម៉ែត្រគូប និងបានគ្រប់គ្រងស្ថានការភ្លើងរលត់ជាស្ថាពរ ៕

ដោយ៖ ជ្រោយពេជ្រ