សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តហាយឡេនឌ័រមួយគ្រឿងបានបើកបរក្នុងល្បឿនលឿន វ៉ាជែងគេចពីម៉ូតូមួយគ្រឿងក៏ជ្រុលទៅបុកចូលរួមទាំងបង្កាន់ដៃលើបង្កាន់ដៃស្ពានអាកាសចោមចៅនិងបន្តបុកបង្គោលភ្លើងបំភ្លឺផ្លូវបណ្ដាលឲ្យបាក់អស់មួយដេីម រងការខូចខាតយ៉ាងដំណំ ។
ហេតុការណ៍នេះបានកេីតឡេីងកាលពីវេលាម៉ោង៧និង៣០នាទីយប់ ថ្ងៃទី២៤ ខែកញ្ញាឆ្នាំ២០២៤ នៅតាមបណ្ដោយផ្លូវជាតិលេខ៣ គល់ស្ពានអាកាសចោមចៅ ស្ថិតក្នុងសង្កាត់ចោមចៅទី២ ខណ្ឌពោធិ៍សែនជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេបានឃើញរថយន្តហាយឡេនឌ័រពណ៌ទឹកប្រាក់ពាក់ស្លាកលេខកណ្តាល2C 0277 ធ្វើដំណើរតាមដងផ្លូវជាតិលេខ៣ ក្នុងទិសដៅពីត្បូងមកជើង ក្នុងល្បឿនលឿនខណៈមកដល់ចំណុចកើតហេតុ ក៏បានបើកគេចពីម៉ូតូមួយគ្រឿងដែលនៅខាងមុខក៏ជ្រុលទៅបុកជាមួយនឹងបង្កាន់ដៃស្ពានអាកាសចោមចៅនិងបន្តបុក បង្គោលភ្លើងមួយដេីមរងការខូចខាតតែសំណាងល្អមិនមានបង្កឲ្យមានមនុស្សរងរបួសនោះទេ ។
ក្រោយកើតហេតុសមត្ថកិច្ចមូលដ្ឋានបានចុះមកដល់ទីតាំងកន្លែងកើតហេតុធ្វើការវាស់វែងក៏ដូចជាស្ទូចរថយន្តទៅរក្សាទុកនៅការិយាល័យចរាចរណ៍ជើងគោករង់ចាំដោះស្រាយពេលក្រោយ៕
ដោយ៖ សុខាសែនជ័យ
