សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តហាយឡេនឌ័រមួយគ្រឿងបេីកឆ្លងផ្លូវមិនប្រយ័ត្នជ្រុលទៅបុកម៉ូតូហុងដាបណ្តាលឱ្យមនុស្ស២នាក់រងរបួសធ្ងន់ត្រូវបានកងសង្គ្រោះបន្ទាន់៧១១កងពលតូចលេខ៧០ដឹកទៅមន្ទីរពេទ្យភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង២១និង៣១នាទីយប់ថ្ងៃទី០៦ខែតុលាឆ្នាំ២០២៤ នៅតាមផ្លូវជាតិលេខ៣ ក្នុងភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
ជនរងគ្រោះទី១មានឈ្មោះ ចាន់ ថារស្មី ភេទស្រី អាយុ១៩ឆ្នាំ មានទីលំនៅស្រុកស្ទោង ខេត្តកំពង់ធំ រងរបួសកជើងឆ្វេង។
ជនរងគ្រោះទី២មានឈ្មោះមឿន ស្រីណុច ភេទស្រី អាយុ ១៩ឆ្នាំ មានទីលំនៅ ឃុំរំចេក ស្រុកសៀមរាប ខេត្តសៀមរាប ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញនារី២នាក់ជិះម៉ូតូហុងដាមួយគ្រឿងឌុបគ្នាតាមបណ្តោយផ្លូវជាតិលេខ៣ក្នុងទិសដៅពីជេីងទៅត្បូង ខណៈមកដល់ចំណុចកេីតហេតុស្រាប់តែតែមានរថយន្តហាយឡេនឌ័រ ពណ៌ស ពាក់ស្លាកលេខភ្នំពេញ2AK-5709 ធ្វេីដំណេីរឆ្លងផ្លូវពីលិចទៅកេីតជ្រុលទៅបុកម៉ូតូបណ្តាលឱ្យដួលបោកទៅនិងថ្នល់រងរបួសធ្ងន់២នាក់។
ក្រោយកេីតហេតុជនរងគ្រោះត្រូវបានរថយន្តសង្រ្គោះរបស់អង្គភាព៧១១កងពលតូចលេខ៧០ដឹកបញ្ជូនទៅមន្ទីរពេទ្យព្រះកុសុមៈ ចំណែករថយន្តនិងម៉ូតូត្រូវបានសមត្ថកិច្ចវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖ សុខាសែនជ័យ
