សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរស២នាក់ត្រូវជាបងប្អូនបង្កើតជិះម៉ូតូមិនប្រយ័ត្នបុករថយន្តបែនបេីកបត់ត្រឡប់ក្រោយ បណ្តាលឱ្យអ្នកបេីកម៉ូតូដួលចូលក្រោមរថយន្តកិនធ្លាយខួរស្លាប់ម្នាក់និងម្នាក់ទៀតរបួសស្រាល។
ហេតុការណ៍នេះបានកេីតនៅវេលាម៉ោង៨និង៤៥នាទីយប់ថ្ងៃ ទី០៧ ខែវិច្ឆិកា ឆ្នាំ២០២៤នៅផ្លូវ ៥០ម៉ែត្រថ្មីក្រោយផ្សារទំនើបអុីអន៣ ភូមិរលួស សង្កាត់ជេីងឯក ខណ្ឌដង្កោ ។
សពជនងគ្រោះ មានឈ្មោះ ឆេង ដាលៀស ភេទប្រុស អាយុ៣១ឆ្នាំ មុខរបរជាងភ្លើង ស្នាក់នៅ ផ្ទះជួល សង្កាត់ជេីងឯក ខណ្ឌដង្កោ អាសយដ្ឋានភូមិគោកចារ ឃុំគោកចារ ស្រុកតំបែរ ខេត្តត្បូងឃ្មុំ ។
តាមប្រភពព័ត៌មានពីប្អូនដែលអង្គុយខាងក្រោយ បានឱ្យដឹងថាមុខពេលកេីតហេតុពួកគាត់ ២នាក់បងប្អូនបានជិះម៉ូតូម៉ាកហុងដាឌ្រីមពណ៌ខ្មៅពាក់ផ្លាកលេខកណ្ដាល 1W 7199 ចេញពីញាំបាយនៅម្តុំ អុីអន៣ គោលបំណងជិះម៉ូតូត្រឡប់ទៅបន្ទប់ជួលវិញដោយធ្វើដំណើរតាមបណ្ដោយផ្លូវ៥០ម៉ែត្រថ្មី ក្រោយផ្សារទំនើបអុីអន៣ ទិសដៅពីកេីតទៅលិចលុះមកដល់ចំណុចកេីតហេតុក៏ជ្រុលទៅបុុកនិងរថយន្តប្រភេទបែនបេីកចេញពីចាក់ដីបត់ត្រឡប់ក្រោយវិញ បណ្តាលឲ្យបុរសជាបងត្រូវជាអ្នកឌុបដួលចូលក្រោមកង់រថយន្តកិនធ្លាយខួរស្លាប់មួយរំពេចតែម្តងចំណែកគាត់អង្គុយខាងក្រោយរងរបួសស្រាល ។
ដោយឡែករថយន្ដដែលបង្កខណៈពេលដែលកិនរួចហើយក៏បន្តបេីករត់គេចបាត់ស្រមោល ។
ក្រោយពេលកើតហេតុសមត្ថកិច្ចមូលដ្ឋានបានចុះដល់ចំណុចកើតហេតុទាក់ទងខាងសមត្ថកិច្ចជំនាញចរាចរណ៍ ធ្វើការវាស់វែងយកម៉ូតូជនរងគ្រោះទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំដោះស្រាយគ្នានៅពេលក្រោយ ។ចំណែកសពត្រូវបានសមត្ថកិច្ចធ្វើកំណត់ហេតុរួចប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ ៖ ភារ៉ា ដង្កោ
