សារព័ត៌មាន នគរវត្ត តែងតែនាំមុខគេជានិច្ច
ក្លិបបិសាចក្រហម Manchester United កាលពីថ្ងៃអង្គារបានរាយការណ៍ពីការខាតបង់សុទ្ធដែលបានកែតម្រូវតិចតួចសម្រាប់ត្រីមាសទី១នៃសារពើពន្ធ ដែលបានជួយដោយការកាត់ថ្លៃចំណាយ, អត្រាប្តូរប្រាក់អំណោយផល និងរក្សាការព្យាករណ៍ប្រាក់ចំណេញ និងប្រាក់ចំណូលស្នូលនៃសារពើពន្ធឆ្នាំ២០២៥។
ការខាតបង់សុទ្ធដែលបានកែតម្រូវគឺ៣៤៩,០០០ផោន (៤៣៩,០០៧.១០ដុល្លារ) សម្រាប់រយៈពេល៣ខែដែលបានបញ្ចប់នៅថ្ងៃទី៣០ ខែកញ្ញា ធៀបនឹងការខាតបង់ចំនួន៨.៦លានផោនកាលពីឆ្នាំមុន។
នាយកប្រតិបត្តិលោក Omar Berrada បាននិយាយនៅក្នុងសេចក្តីថ្លែងការណ៍មួយថា “ការជួសជុលមជ្ឈមណ្ឌលបណ្តុះបណ្តាល Carrington របស់យើងកំពុងដំណើរការល្អ ខណៈពេលដែលក្រុមការងារជួសជុល Old Trafford បន្តការងាររបស់ខ្លួន” ។
ក្រុមមានមូលដ្ឋាននៅ Old Trafford ដែលបាននាំយកគ្រូបង្វឹកព័រទុយហ្គាល់ Ruben Amorim ជាគ្រូបង្វឹកថ្មីរបស់ពួកគេកាលពីដើមខែនេះបាននិយាយថា ការចំណាយ និងការកាត់បន្ថយចំនួនក្បាលរបស់ពួកគេនៅតែដំណើរការដដែល។
ប្រាក់ចំណូលសម្រាប់រយៈពេល៣ខែបានធ្លាក់ចុះ៩ភាគរយមកនៅត្រឹម១៤៣.១លានផោនប៉ុណ្ណោះ។ ការធ្លាក់ចុះនេះគឺអាចបណ្តាលមកពីវិបត្តិនៅក្នុងក្លិបដូចជា ការដូរគ្រូបង្វឹក ការមិនអាចជួយក្រុមឡើងមកលេងនៅ Champions League ការធ្លាក់ទម្រង់លេង ការមិនអាចរក្សាចំណាត់ថ្នាក់ Too 4 បានជាដើម៕
ដោយ៖ ភារៈ(រូបភាព ៖ CNA)
