សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តមសេនីយ៍ឯក ស រដ្ឋា អគ្គស្នងការរង និងជាស្នងការដ្ឋាននគរបាលខេត្តព្រះសីហនុ នៅព្រឹកថ្ងៃពុធ ទី១១ ខែធ្នូ ឆ្នាំ២០២៤ បានអញ្ជើញជាអធិបតីបេីកសន្និបាតបូកសរុបសភាពការណ៍ និងលទ្ធផលកិច្ចប្រតិបត្តិការឆ្នាំ២០២៤ និងលេីកទិសដៅការងារឆ្នាំ២០២៥ របស់ស្នងការដ្ឋាននគរបាលខេត្តព្រះសីហនុ នៅសណ្ឋាគារ សុខា ។ ក្នុងពិធីបេីកសន្និបាត ក៏មានការអញ្ជេីញចូលរួមពី លោក លោកស្រី ស្នងការរង នាយ-នាយរងការិយាល័យ អធិការ-អធិការរងនគរបាលក្រុង-ស្រុកទាំង៥ និងនាយ-នាយរងប៉ុស្ដិ៍នគរបាលរដ្ឋបាលឃុំ-សង្កាត់ទាំង២៩ ចំណុះស្នងការដ្ឋាននគរបាលខេត្តព្រះសីហនុ ។
ជាកិច្ចចាប់ផ្ដេីមបេីកសន្និបាតបូកសរុបសភាពការណ៍ និងលទ្ធផលកិច្ចប្រតិបត្តិការប្រចាំ ឆ្នាំ២០២៤ និងលេីកទិសដៅការងារឆ្នាំ២០២៥ របស់ស្នងការដ្ឋាននគបាលខេត្តព្រះសីហនុ លោកឧត្ដមសេនីយ៍ឯក ស រដ្ឋា បានឡេីងមានមាតិស្វាគមន៍ ចំពោះអង្គសន្និបាត និងបេីកសន្និបាត ។
កិច្ចបន្ត លោកឧត្ដមសេនីយ៍ត្រី ស្នងការរង ផែនការងារសេនាធិការ បានឡេីងអានរបាយការណ៍នូវបូកសរុបសភាពការណ៍ និងលទ្ធផលកិច្ចប្រតិបត្តិការប្រចាំ ឆ្នាំ២០២៤ និងលេីកទិសដៅការងារឆ្នាំ២០២៥ របស់ស្នងការដ្ឋាននគបាលខេត្តព្រះសីហនុ បន្ទាប់ពីការអានរបាយការណ៍ ក៏មានការធ្វេីបទអន្តរាគមន៍ ដោយលោកស្នងការរង ផែនការងារសន្តិសុខ ផែនការងារនគរបាលព្រហ្មទណ្ឌ ផែនការងារអន្តោប្រវេសន៍ ផែនការងារនគរបាលសណ្ដាប់ធ្នាប់ និងផែនការងារប្រឆាំងគ្រឿងញៀន ព្រមទាំងមានការចូលរួមមតិយោបល់ពីសមាជិក សមាជិកា នៃអង្គសន្និបាត តាមរយៈការលេីកឡេីងអំពីចំណុចខ្លាំង និងចំណុចខ្សោយ ដែលស្ដែងចេញពីការអនុវត្តការងារជាក់ស្ដែងកន្លងមក ដេីម្បីដាក់បញ្ហាប្រឈមទាំងនោះ ជូនអង្គសន្និបាត ដេីម្បីរួមគ្នាពិភាក្សា រិះរកវិធានការ វិធីសាស្ត្រ និងកំណត់ទិសដៅសកម្មភាពការងារទាំងនោះ សម្រាប់យកទៅអនុវត្តបន្តក្នុងឆ្នាំ២០២៥ ឲ្យទទួលបានលទ្ធផលកាន់តែល្អប្រសេីរ ។
ជាកិច្ចបញ្ចប់ លោកឧត្ដមសេនីយ៍ឯក ស រដ្ឋា បានមានមតិកោតសរសេីរដល់មន្ត្រីនគរបាលជាតិទាំងអស់ ចំណុះស្នងការដ្ឋាននគរបាលខេត្តព្រះសីហនុ ដែលបានខិតខំបំពេញតួនាទីភារកិច្ចរបស់ខ្លួន ក្នុងការថែរក្សាសន្តិសុខ សុវត្ថិភាព និងសណ្ដាប់សាធារណៈ ក្នុងនោះដែរ លោកឧត្ដមសេនីយ៍ឯក ក៏បានជំរុញមន្ត្រីនគរបាលខិតខំបំពេញតួនាទីភារកិច្ចរបស់ខ្លួន បន្ថែមទៀត ជាពិសេសប៉ុស្ដិ៍នគរបាលរដ្ឋបាលទាំងអស់ ត្រូវបម្រេី និងផ្ដល់សេវាជូនប្រជាពលរដ្ឋ ៕
ដោយ៖ តារា
