សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Zlatan Ibrahimovic របស់ក្លិបបិសាចក្រហមManchester Unitedបាន សុំទោស ចំពោះកំហុសដែលធ្វើឲ្យគាត់ទទួលបានកាតលឿងជាលើកទី៥ ហើយត្រូវជាប់បំរាមមិនឲ្យប្រកួត ពេលក្រុមរបស់គាត់ប៉ះក្រុមខ្លាំងArsenal ។
កីឡាករអន្តរជាតិស៊ុយអែត Zlatan Ibrahimovic បានទទួលកាតលឿងពេលប៉ះទង្គិចជាមួយនឹង កីឡាករ Leroy Ferរបស់ក្លិប Swanseaក្នុងតង់ទី២ ក្នុងការប្រកួតកាលពីថ្ងៃអាទិត្យដែលក្រុមបិសាចក្រហមឈ្នះដោយលទ្ធផល3-1។
ក្នុងការប្រកួតនោះ Ibrahimovicរកបាន២គ្រាប់ប៉ុន្តែដោយសារតែកាតលឿងនេះធ្វើឲ្យគាត់ត្រូវ ជាប់ បំរាមមួយប្រកួតនៅថ្ងៃទី១៩វិច្ឆិការជាថ្ងៃដែលត្រូវប៉ះក្រុមArsenal។
Ibrahimovicបាននិយាយថា “តើអ្នកដឹងទេ?ពេលខ្ញុំលេងម្តងៗខ្ញុំខិតខំប្រឹងលេងខ្លាំងណាស់ គឺលេងឲ្យអស់ពីសមត្ថភាពតែម្តង តែខ្ញុំបានទទួលកាតលឿង។ ខ្ញុំមិនដឹងថាការពន្យល់របស់អាជ្ញាកណ្តាល ថាយ៉ាងម៉េចទេប្រហែលជាខ្ញុំអស់កម្លាំងពេកដែលធ្វើឲ្យខ្ញុំស្តាប់គាត់មិនឮនៅក្នុងប្រទេស អង់គ្លេស ច្បាប់បាល់ទាត់ពិតជាពិបាកណាស់តែខ្ញុំត្រូវតែទទួលយកកំហុសនេះ ហើយខ្ញុំសុំទោសដែល មិនបាន លេងនៅក្នុងការប្រកួតបន្ទាប់ទៀត” ៕
