សារព័ត៌មាន នគរវត្ត តែងតែនាំមុខគេជានិច្ច
កិច្ចពិភាក្សាShangrila នៅថ្ងៃទី២ ខែ មិថុនា ជាកិច្ចពិភាក្សាប្រចាំឆ្នាំលើកទី១៦ ធ្វើឡើងនៅប្រទេសសិង្ហបុរី មានរយៈពេល ៤-៦ថ្ងៃ ដោយពិភាក្សាលើបញ្ហាសំខាន់ៗក្នុងតំបន់និងលើពិភពលោក។ នៅក្នុងកិច្ច ពិភាក្សាឆ្នាំនេះ បញ្ហាសមុទ្រចិនភាគខាង ត្បូង និង ការប្រឆាំងភេរវកម្ម គឺជាប្រធាន បទសំខាន់បំផុត ដោយក្រុមភេរវកម្ម IS បានលេចចេញជារូបរាងនៅក្នុងតំបន់អាស៊ីភាគអាគ្នេយ៍។
ទន្ទឹមនឹងនេះ ទម្រង់សន្តិសុខនៅក្នុង តំបន់ ក៏ត្រូវបានលើកយកមកពិភាក្សាដែរ ពិសេសគឺបញ្ហាភេរវកម្ម IS ដែលកំពុងតែស្វែងរកកម្លាំងធនធានដើម្បីបង្កើតប្រទេសអ៊ិស្លាម នៅតំបន់អាស៊ីភាគអាគ្នេយ៍។
តាមគម្រោងនាយករដ្ឋមន្ត្រីអង់គ្លេស លោក Malcolm Turnbull នឹងថ្លែងសន្ទរកថាបើកកិច្ចពិភាក្សា Shangrila ។ សារព័ត៌ មាន Business Times បានដកស្រង់ព័ត៌មានពីរដ្ឋាភិបាលអូស្ត្រាលី បញ្ជាក់ថា លោក Malcolm Turnbull នឹងលើកឡើង ពីបញ្ហាធំៗ ក្នុងនោះមានភាពតានតឹងនៅសមុទ្រចិនភាគខាងត្បូង កម្មវិធីបរមាណូ កូរ៉េខាងជើង និងការប្រយុទ្ធប្រឆាំងក្រុម ភេរវកម្មឆ្លងដែន។
គិតមកដល់ថ្ងៃទី៣១ខែឧសភា មាន តំណាងប្រទេសជាង ៥០បានចុះឈ្មោះចូលរួមក្នុង កិច្ចពិភាក្សានេះ ក្នុងនោះមាន រដ្ឋមន្ត្រីជាច្រើនរូប មេបញ្ជាការកងទ័ព និងអ្នកឯកទេសសន្តិសុខអន្តរជាតិ។ ចំណែកអាមេរិក រដ្ឋមន្ត្រីក្រសួងការពារ ជាតិលោក James Mattis នឹងចូលរួមកិច្ច ពិភាក្សានេះ ហើយនឹងថ្លែងសន្ទរកថា នៅថ្ងៃទី២នៃកិច្ចពិភាក្សា ដោយមាន ប្រធានបទ (អាមេរិក និងសន្តិសុខអាស៊ី ប៉ាស៊ីហ្វិក)។
ក្រុមអ្នកវិភាគលើកឡើងថា កិច្ច ពិភាក្សានេះ គឺជាឱកាសដើម្បី ឲ្យរដ្ឋាភិ បាលអាមេរិកបង្ហាញពីគោលនយោបាយឆ្ពោះមកកាន់តំបន់អាស៊ីប៉ាស៊ីហ្វិក ដែល អតីតប្រធានាធិបតីអូបាម៉ាបានអនុវត្ត។លោកត្រាំនៅតែបន្តអនុវត្តគោលនយោ បាយទាំងនោះដដែល ។
រដ្ឋាភិបាលសិង្ហបុរី បានបញ្ជូនកម្លាំង ប៉ូលិសទ្រង់ទ្រាយធំការពារសន្តិសុខ កិច្ច ពិភាក្សាShangrila ដោយខា្លចក្រុមភេរវ កម្មឆ្លៀតឱកាសវាយប្រហារ បំផ្លាញសន្តិ សុខជាតិនៅទីនេះ។ ដោយសារតែពេល នេះមានក្រុមភេរវកម្ម IS ចូលមកតំបន់អាស៊ានកាន់តែច្រើន ហើយកំពុងតែគ្រប់គ្រងតំបន់មួយចំនួននៅក្នុងប្រទេសហ្វុីលីពីន៕ ម៉ែវ សាធី
នាយករដ្ឋមន្ត្រីអង់គ្លេស លោក Malcolm Turnbull
