សារព័ត៌មាន នគរវត្ត តែងតែនាំមុខគេជានិច្ច
ទំនាក់ទំនងរវាងអាមេរិក និងរុស្ស៊ីប្រឈមមុខតានតឹងដាក់គ្នា កាន់តែខ្លាំងឡើង ក្រោយពេលរុស្ស៊ីបានសម្រេចចោទប្រកាន់ពលរដ្ឋអាមេរិកពីបទចារកម្មជាផ្លុវការ។ សារព័ត៌មាន Interfax របស់រុស្ស៊ីនៅថ្ងៃ ទី៤ ខែមករា បានដកស្រងព័ត៌មាន ពីក្រុមស្រាវជ្រាវ រុស្ស៊ីបានឲ្យដឹងថា រុស្ស៊ីបានសម្រេចចោទប្រកាន់ ពលរដ្ឋអាមេរិក ឈ្មោះ Paul Whelan ជាចារកម្ម។
ប្រភពព័ត៌មានបានឲ្យដឹងថា «របាយការណ៍ចោទប្រកាន់ខាងលើបានប្រកាសជាផ្លូវការប៉ុន្តែលោក Whelan បានច្រានចោលរាល់ការចោទប្រកាន់ទាំងនោះ ។
កាលពីថ្ងៃ ទី២៨ ខែធ្នូ ឆ្នាំ២០១៨ ក្រុមសន្តិសុខរុស្ស៊ីបានចាប់ខ្លួនពលរដ្ឋ អាមេរិកឈ្មោះ Paul Whelan នៅទីក្រុងមូស្កូដោយសង្ស័យថាបានធ្វើការកិច្ច។ នៅថ្ងៃទី៣១ខែធ្នូក្រសួងសន្តិសុខជាតិរុស្ស៊ី បានប្រកាសថា លោក Paul Whelan ត្រូវបានក្រុមអ្នកស្រាវជ្រាវរុស្ស៊ី បើការស្រាវជ្រាវ ព្រហ្មទណ្ឌទៅលើពលរដ្ឋអាមេរិក ទៅតាមច្បាប់ មាត្រាទី២៧៦នៃច្បាប់ព្រហ្មទណ្ឌរុស្ស៊ីពីសកម្មភាពចារកម្ម។
លោក David Whelan ដែលជាបងប្អូនភ្លោះ ជាមួយ Paul Whelan បានឲ្យដឹងថា Paul Whelan បានទៅកាន់ទីក្រុងមូស្កូរុស្ស៊ី ដោយមានការអញ្ជើញទៅចូលរួម ពិធីរៀបការមិត្តភក្តិ។លោក Paul Whelan ជាអតីតទាហានជើងទឹកវាយឡើងគោក បានចូលនិវត្តន៍។ គ្រួសារលោក Whelan បានស្នើរឲ្យមានការជួយអន្តរគមន៍ពីសភាអាមេរិក ក៏ដូចជាអគ្គរដ្ឋទូតអាមេរិកប្រចាំនៅរុស្ស៊ី និងក្រសួងការបរទេសអាមេរិកផងដែរ ៕
