សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖មានករណីឆ្លងចរន្តអគ្គិសនីឆេះបង្គោលភ្លើងមួយបង្កការភ្ញាក់ផ្អើលនៅវេលាម៉ោង១០ និង៥០នាទីព្រឹកថ្ងៃទី ១៦ ខែ មេសា ឆ្នាំ២០២០ចំណុចក្បែរវិទ្យាល័យបឹងកេងកង ស្ថិតនៅតាមដងផ្លូវ៧១ ក្នុងសង្កាត់បឹងកេងកងទី១ ខណ្ឌបឹងកេងកង។
បើតាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកើតហេតុបានប្រាប់ឲ្យដឹងថា មុនពេលកើតហេតុពួកគាត់បានឃើញមានអណ្តាតភ្លើងឆាបឆេះចេញពីបង្គោលភ្លើងហើយពួកគាត់បាននាំគ្នាបានយកបំពង់ពន្លត់អគ្គិភ័យបាញ់អស់ចំនួនជិត២០បំពង់តែស្ថានភាពភ្លើងនៅតែឆេះមិនអន់ថយពួកគាត់ក៏បានរាយការណ៍មកសមត្ថកិច្ចមូលដ្ឋានដើម្បីហៅរថយន្តពន្លត់អគ្គីភ័យចុះទៅជួយអន្តរាគមន៍ ។
ក្រោយពីទទួលបានព័ត៌មានពីប្រជាពលរដ្ឋលោកនាយប៉ុស្តិ៍បានហៅរថយន្តពន្លត់អគ្គីភ័យរបស់ស្នងការនគរបាលរាជធានីភ្នំពេញចំនួន២ គ្រឿងមកបាញ់ពន្លត់អស់តែមួយគ្រឿងទើបរលត់ជាស្ថាពរ។ភ្លាមនោះដែរមិនយូរក្រោយពីកើតហេតុបានឃើញមន្ត្រីរបស់អគ្គិសនីកម្ពុជាជិះរថយន្តរួមនិងសម្ភារ:បានចុះទៅជួយតភ្ជាប់បណ្ដាញភ្លើងជូនប្រជាពលរដ្ឋភ្លាម ដើម្បីឱ្យប្រជាពលរដ្ឋមានភ្លើងប្រើប្រាស់ឡើងវិញ។ដោយ៖ ស រស្មី
