សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ ពិតជារន្ធត់ណាស់ខ្យល់កន្រ្តាក់បានបំផ្លាញផ្ទះសម្បែងប្រជាពលរដ្ឋ១ខ្នងថែមទាំងសង្កត់ដូន ចាស់ម្នាក់អោយផុតដង្ហេីមយ៉ាងសង្វេគ ។
ហេតុការណ៍គ្រោះធម្មជាតិខ្យល់ព្យុះកន្រ្តាក់ខាងលើ បានកើតឡើងនៅវេលាម៉ោង៣ និង៣០នាទី រសៀលថ្ងៃច័ន្ទ ទី១៨ ខែឧសភា ឆ្នាំ២០២០ ត្រង់ចំណុចទ្រុងជ្រូក ស្ថិតក្នុងភូមិអង្រ្គង ឃុំសំរោង ស្រុកភ្នំក្រវាញ ខេត្តពោធិ៍សាត់ ។
យោងតាមរបាយការណ៍នគរបាលប៉ុស្ដិ៍រដ្ឋបាលសំរោងមុននេះបន្តិចឃើញថា ផ្ទះ ១ខ្នងដែលរងការខូចខាតដោយខ្យល់កន្រ្តាក់ទំហំ ៥ម៉្រែត្រ គុណនឹង ៦ម៉ែត្រ ដំបូលប្រក់ស័ង្កសី ជញ្ជាំងបាំងក្ដា រនាបក្រាលក្ដា ត្រូវបានខ្យល់គួចហោះចេញជើងសសរ ថែមទាំងសង្កាត់មនុស្សបណ្ដាលឲ្យស្លាប់ ១នាក់យ៉ាងសង្វេគ ។
របាយការណ៍នគរបាលប៉ុស្តិ៍ដដែលបន្តទៀតថា ជនរងគ្រោះ(ស្លាប់)ឈ្មោះ វិត ភ័ណ្ឌ ភេទស្រី អាយុ ៧៨ឆ្នាំ ជនជាតិខ្មែរ បច្ចុប្បន្ន រស់នៅចំណុច និងភូមិ.ឃុំកើតហេតុ ករណីគ្រោះធម្មជាតិបណ្ដាលឲ្យមានមនុស្សស្លាប់ និងរងការខូចខាតផ្ទះសម្បែងនេះដែរ អាជ្ញាធរមានសមត្ថកិច្ចមូលដ្ឋាន សហការចុះធ្វើរបាយការណ៍ ដើម្បីរាយការណ៍ជូនថ្នាក់លើផងដែរ ៕ ដោយ៖ បុឹម ពិន
