សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ជិះម៉ូតូឆក់យកកាបូបស្ពាយពីស្ត្រីម្នាក់បានសម្រេចហេីយព្យាយាមគេចខ្លួនតែត្រូវបានសមត្ថកិច្ចល្បាតឃេីញក៏ដេញចាប់បានភ្លាមៗ។
ហេតុការណ៍នេះបានកេីតឡេីងកាលពីវេលាម៉ោង ១៦:០០នាទី ថ្ងៃទី២៩ ខែឧសភា ឆ្នាំ២០២០ នៅមុខរោងចក្រស័ង្កសី ស្ថិតក្នុងភូមិព្រៃបឹង សង្កាត់កន្ទោក ខណ្ឌកំបូល ។
ជនសង្ស័យឈ្មោះ ប៉ុក សុខរ៉ា ភេទប្រុស អាយុ២៣ឆ្នាំ មុខរបរកម្មករសំណង់ ស្នាក់នៅផ្ទះជួល ក្នុងភូមិព្រៃបឹង សង្កាត់កន្ទោក ខណ្ឌកំបូល ។
សមត្ថកិច្ចបានឱ្យដឹងថា ៖ មុនពេលកេីតហេតុជនរងគ្រោះបានជិះកង់ចេញពីផ្ទះជួលមករើសអេតចាយ នៅពេលកំពុងរើសអេតចាយ ជនរងគ្រោះបានព្យួរកាបូបលុយនឹងដៃកង់ ពេលនោះជនសង្ស័យ បានជិះម៉ូតូម៉ាកZOOMER-X ស៊េរី ឆ្នាំ២០១៧ ពណ៌ខៀវ ពាក់ស្លាកលេខ ភ្នំពេញ 1FE-9942 មកពីទិសខាងត្បូង រួចឈប់ម៉ូតូនៅជិតជនរងគ្រោះ ហើយសួរជនរងគ្រោះថា មានស្គាល់រោងចក្រផលិតសរសៃគុយទាវឬអត់? ឆ្លៀតឱកាសដែលជនរងគ្រោះភ្លេចខ្លួន ដោយរវល់តែជជែកឆ្លងឆ្លើយជាមួយខ្លួននោះ ស្រាប់តែជនសង្ស័យកញ្ឆក់យកកាបូបរបស់ជនរងគ្រោះដែលព្យួរនឹងដៃកង់ ជិះគេចខ្លួនសំដៅទៅផ្លូវជាតិលេខ៤ ខណៈនោះជនរងគ្រោះបានស្រែកឆោឡោ ស្របពេលដែលកម្លាំងសមត្ថកិច្ចល្បាត ឃើញក៏ស្ទាក់ចាប់បានយកមកសួរនាំនៅប៉ុស្ដិ៍នគរបាលរដ្ឋបាលកន្ទោកតែម្ដង។
ក្នុងកាបូបជនរងគ្រោះមានលុយ១,៦០០ដុល្លារ។
ក្រោយពីធ្វើការសាកសួររួច ជនសង្ស័យបានសារភាពថា ខ្លួនពិតជាបានធ្វើសកម្មភាពឆក់កាបូបរបស់ជនរងគ្រោះពិតប្រាកដមែន។
ជនសង្ស័យខាងលើ ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់។ ចំណែកកាបូប និងប្រាក់ដុល្លារត្រូវបានប្រគល់ជូនជនរងគ្រោះវិញ៕ដោយ ៖សុខាសែនជ័យ
