សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លើកទី១នៅថ្ងៃទី ៣១ ខែឧសភា ឆ្នាំ ២០២០ វេលាម៉ោង០០ និង៣០នាទី កម្លាំងជំនាញការិយាល័យនគរបាលប្រឆាំងគ្រឿងញៀនបានបង្រ្កាបករណីគ្រឿងញៀនមួយកន្លែង ស្ថិតនៅចំណុចអូរ៥ ស្ថិតក្នុងភូមិ៤ សង្កាត់៤ ក្រុង/ខេត្តព្រះសីហនុ នៅពេលដែលមុខសញ្ញាកំពុងប្រព្រឹត្តបទល្មើសជាក់ស្តែងត្រូវបានសមត្ថកិច្ចយើងឃាត់ខ្លួនជនសង្ស័យបានចំនួន៣នាក់ គឺ១-ឈ្មោះ ផេង វណ្ណឌី ហៅវិុត ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មករសំណង់ មានស្រុកកំណើត នៅភូមិស្នំប្រាំពីរ ឃុំម៉ាក់ប្រាង ស្រុកទឹកឈូ ខេត្តកំពត ទីលំនៅបច្ចុប្បន្ន ភូមិ៤ សង្កាត់៤ ក្រុង/ខេត្តព្រះសីហនុ ។
២-ឈ្មោះ ស ឌី ហៅធី ភេទប្រុស អាយុ២២ឆ្នាំ ជនជាតិខ្មែរ មុខរបរកម្មករសំណង់ មានស្រុកកំណើតនៅភូមិវត្តទៀមកន្ថោ ឃុំបួន ស្រុកកំពង់ត្រាច ខេត្តកំពត ទីលំនៅបច្ចុប្បន្ន ផ្លូវចំណោតអាឡាំងដឺឡុង សង្កាត់៤ ក្រុង/ខេត្តព្រះសីហនុ ។
៣-ឈ្មោះ ខាន់ វីណា ហៅឆក ភេទប្រុស អាយុ១៩ឆ្នាំ ជនជាតិខ្មែរ មុខរបរកម្មករសំណង់ មានស្រុកកំណើតនៅស្រុកស្ទឹងត្រង់ ខេត្តកំពង់ចាម ទីលំនៅបច្ចុប្បន្ន សង្កាត់៤ ក្រុង/ខេត្តព្រះសីហនុ។ ចំពោះវត្ថុតាងនិងសម្ភារចាប់យករួមមាន
ម្សៅក្រាមសថ្លាសង្ស័យជាសារធាតុញៀន ចំនួន៦កញ្ចប់ ទូរស័ព្ទដៃចំនួន២គ្រឿង ។
លើកទី២នៅថ្ងៃអាទិត្យទី៣១ ខែឧសភា ឆ្នាំ ២០២០ វេលាម៉ោង១ និង៣០នាទី កម្លាំងជំនាញការិយាល័យនគរបាលប្រឆាំងគ្រឿងញៀនបានចុះបង្រ្កាបករណីគ្រឿងញៀនមួយកន្លែងស្ថិតនៅចំណុចផ្លូវចូលរោងចក្រយ៉ូវស៊ីង ក្រុម១៧ ភូមិ២ សង្កាត់១ ក្រុង/ខេត្តព្រះសីហនុ ខណៈដែលមុខសញ្ញាកំពុងប្រព្រឹត្តបទល្មើសជាក់ស្តែង ត្រូវបានសមត្ថកិច្ចយើងឃាត់ខ្លួនជនសង្ស័យបានចំនួន៣នាក់គឺ ១-ឈ្មោះ សយ សុឃឿន ហៅហ៊ុយជាមេ ខ្លោង ភេទប្រុស អាយុ២៨ឆ្នាំ ជនជាតិខ្មែរ មុខរបរលក់ដូរ រស់នៅសង្កាត់២ ក្រុង/ខេត្តព្រះសីហនុ ។
២-ឈ្មោះ ពេញ បូរ៉ា ភេទប្រុស អាយុ២៩ឆ្នាំ ជនជាតិខ្មែរ មុខរបរធ្វេីការងារក្រុមហ៊ុនក្រឡុកស៊ីម៉ងត៍ មានស្រុកកំណើតនៅឃុំកំបូល ស្រុកអង្គស្នួល ខេត្តកណ្តាល ទីលំនៅបច្ចុប្បន្ន ភូមិពូធឿង ស្រុកព្រៃនប់ ខេត្តព្រះសីហនុ ។
៣-ឈ្មោះ សឿន ធារ៉ា ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើតនៅភូមិស្តុកធ្លក ឃុំដងទង់ ស្រុកដងទង់ ខេត្តកំពត ទីលំនៅបច្ចុប្បន្ន សង្កាត់៣ ក្រុង/ខេត្តព្រះសីហនុ ។
+វត្ថុតាងនិងសម្ភារចាប់យករួមមាន៖
-ម្សៅក្រាមសថ្លាសង្ស័យជាសារធាតុញៀន ចំនួន១៥កញ្ចប់ (ធំ១កញ្ចប់ មធ្យម៨កញ្ចប់ តូច៦កញ្ចប់) ទូរស័ព្ទដៃ ចំនួន៣ គ្រឿង កាំភ្លេីងខ្លី ម៉ាក K-54 ចំនួន១ដេីម គ្រាប់កាំភ្លេីងចំនួន៧គ្រាប់ ដែកកេះ៣ កន្រ្តៃចំនួន១ សម្ភារសម្រាប់វេចខ្ចប់និងប្រេីប្រាស់គ្រឿងញៀនមួយចំនួនទៀត ។
លើកទី៣នៅថ្ងៃអាទិត្យ ១០កេីត ខែជេស្ឋឆ្នាំជូត ទោស័ក ពស២៥៦៤ ត្រូវនឹងថ្ងៃទី៣១ ខែឧសភា ឆ្នាំ ២០២០ វេលាម៉ោង២និង៣០នាទី កម្លាំងជំនាញ ការិយាល័យនគរបាលប្រឆាំងគ្រឿងញៀនបានចុះបង្រ្កាបករណីគ្រឿងញៀនមួយកន្លែងស្ថិតនៅចំណុចក្រោយសាលារៀនឃ្លាំងលេី ភូមិ២ សង្កាត់១ ក្រុង/ខេត្តព្រះសីហនុ នៅពេលដែលមុខសញ្ញាកំពុងប្រព្រឹត្តបទល្មើសជាក់ស្តែងត្រូវបានសមត្ថកិច្ចយើងឃាត់ខ្លួនជនសង្ស័យបាន១នាក់ ឈ្មោះ ហេង ម៉ុង ភេទប្រុស អាយុ៣៧ឆ្នាំ ជនជាតិខ្មែរ មុខរបររត់ឡំប្រឺតា មាន ស្រុកកំណើតនៅស្រុកសំរោងទង ខេត្តកំពង់ស្ពឺ ទីលំនៅបច្ចុប្បន្នមិនពិតប្រាកដ ទេ។
+វត្ថុតាងនិងសម្ភារចាប់យករួមមាន៖
-ម្សៅក្រាមសថ្លា សង្ស័យជាសារធាតុញៀន ចំនួន១កញ្ចប់ ទូរស័ព្ទដៃ ចំនួន១គ្រឿង។
បច្ចុប្បន្នសមត្ថកិច្ចកំពុងកសាងសំណុំរឿងបញ្ជូនទៅសាលាដំបូងដើម្បីចាត់ការតាមនិីតិវិធីច្បាប់៕ ឆ្លាមសមុទ្រ
