សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ បុរសម្នាក់ដែលអ្នកភូមិស្គាល់ថាជាមនុស្សប្រមឹកចូលចិត្តផឹកស្រាជាប្រចាំរហូតដល់វង្វេងស្មារតីបានចង.កសម្លាប់ខ្លួននៅផ្ទះបង្កការភ្ញាក់ផ្អើលដល់អ្នកភូមិនិងសមត្ថកិច្ចមូលដ្ឋានទាំងព្រឹក។
ហេតុការណ៍នេះបានកើតឡើងកាលពីវេលាម៉ោង ៧និង៣០នាទីព្រឹកថ្ងៃទី១១ ខែមិថុនា ឆ្នាំ២០២០ ស្ថិតនៅក្នុងភូមិស្វាយគយ ឃុំពពែត ស្រុកស្វាយទាប ខេត្តស្វាយរៀង។
បើតាមសមត្ថកិច្ចស្រុកបានឱ្យដឹងថា បុរសខាងលើមានឈ្មោះនៃ សុខ អាយុ ៧៨ ឆ្នាំ មុខរបរមិនពិតប្រាកដរស់នៅក្នុងភូមិឃុំកើតហេតុខាងលើ។
សមត្ថកិច្ចបញ្ជាក់ទៀតថា ក្រោយពីទទួលសេចក្ដីរាយការណ៍ពីអាជ្ញាធរមូលដ្ឋានភ្លាម កម្លាំងនគរបាលប៉ុស្តិ៍រដ្ឋបាលឃុំពពែតរួមជាមួយនគរបាលស្រុកនិងលោកវេជ្ជបណ្ឌិតសន សុខុម គ្រូពេទ្យមន្ទីរពេទ្យបង្អែកស្រុកស្វាយទាបបានមកពិនិត្យសពហើយតាមការសន្និដ្ឋានគឺជនរងគ្រោះពិតជាធ្វើអត្តឃាតដោយយកខ្សែជ័រ(ខ្សែចងក្របី)ពណ៌ ស មកចង.កភ្ជាប់ទៅនឹងមេដំបូលតូបរបស់គាត់ស្នាក់នៅប្រាកដមែន ដោយមិនមានស្នាកស្នាមអ្វីដែលសម្គាល់ថាជារឿងឃាតកម្មនោះទេ។
ក្រោយពីសមត្ថកិច្ចនគរបាលស្រុកពិនិត្យសពរួចបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីទាំងក្ដុកក្ដួលបំផុត៕ យឹម សុថាន
