សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្ត្រីម្នាក់សង្ស័យតូចចិត្តមានជំងឺប្រចាំកាយរាប់ឆ្នាំ បូករួមនឹងប្ដីលែងលះទៀតនោះ ក៏សម្រេចចិត្តធ្វេីអត្តឃាត (ចង.ក)សម្លាប់ខ្លួនក្នុងបន្ទប់ផ្ទះល្វែងមួយកន្លែងស្ថិតនៅជាប់ផ្លូវបេតុង ក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ បង្កឱ្យភ្ញាក់ផ្អេីលដល់ក្រុមគ្រួសារ និងអ្នកជិតខាងនៅវេលាម៉ោង៩យប់ថ្ងៃទី៨ ខែកញ្ញា ឆ្នាំ២០២០ ។
សពជនរងគ្រោះមានឈ្មោះ ហួត សុភា ភេទស្រី អាយុ២៨ឆ្នាំ ស្នាក់នៅផ្ទះកេីត
ហេតុ ដោយមានកូនស្រីម្នាក់អាយុប្រហែល៣ឆ្នាំ ។
យោងតាមប្រភពព័ត៌មានពីកន្លែង
កេីតហេតុបានឲ្យដឹងថា ស្ត្រីរងគ្រោះខាងលេីមានជំងឺប្រចាំកាយ ( ដុះសាច់ច្រមុះ ) ជាច្រេីនឆ្នាំមកហេីយ រួមទាំងត្រូវបានបែកបាក់ជាមួយប្ដីថែមទៀតនោះ ទេីបនៅថ្ងៃកេីតហេតុ នាងក៏សម្រេចចិត្តធ្វេីអត្តឃាត ចង.ក សម្លាប់ខ្លួនក្នុងបន្ទប់ទាំងកូនស្រីនៅជាមួយ ។ ដោយសារកូនស្រីជនរងគ្រោះនៅតូច ហេីយនៅក្នុងបន្ទប់យូរពេកក៏ទ្រហោយំឮដល់ក្រុមគ្រួសារនៅជាន់ក្រោមឡេីងទៅមេីលក៏ឃើញស្ត្រីរងគ្រោះចងកស្លាប់បាត់ទៅហេីយ ។
ក្រោយកេីតហេតុ សមត្ថកិច្ចមូលដ្ឋានបានចុះទៅដល់ទីតាំងខាងលេី ហេីយទាក់ទងទៅសមត្ថកិច្ចជំនាញខាងកោសល្យវិច័យដេីម្បីធ្វេីការពិនិត្យ ក៏បញ្ចាក់បានថា ស្ត្រីរងគ្រោះពិតជាស្លាប់ដោយ ចង.ក សម្លាប់ខ្លួនឯងប្រាកដមែន ។ បន្ទាប់មក សមត្ថកិច្ចបានធ្វេីកំណត់ហេតុប្រគល់សពឲ្យទៅសាច់ញាតិរៀបចំធ្វេីបុណ្យតាមប្រពៃណី ៕ ដោយ៖ ភារ៉ា ដង្កោ
