សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Marcus Rashford បានប្តេជ្ញាបន្តប្រយុទ្ធប្រឆាំងនឹងភាពអត់ឃ្លានកុមារនៅចក្រភពអង់គ្លេសបន្ទាប់ពីខ្សែប្រយុទ្ធរបស់ក្រុមបិសាចក្រហម Manchester United រូបនេះទទួលបានពានរង្វាន់ MBE ។
កីឡាករអន្តរជាតិអង់គ្លេសរូបនេះត្រូវបានគេដាក់ឈ្មោះក្នុងបញ្ជីកិត្តិយសនៃពិធីខួបកំណើតរបស់ម្ចាស់ក្សត្រីឆ្នាំ២០២០ សម្រាប់សេវាកម្មដល់កុមារដែលងាយរងគ្រោះនៅក្នុងចក្រភពអង់គ្លេសក្នុងកំឡុងពេលមានជំងឺរាតត្បាតកូវីដ-១៩។ Rashford បានបញ្ចុះបញ្ចូលរដ្ឋាភិបាលដោយជោគជ័យដើម្បីបន្តគោលនយោបាយរបស់ខ្លួនក្នុងការផ្តល់អាហារតាមសាលាឥតគិតថ្លៃសម្រាប់កុមារដែលខ្វះខាតចូលទៅក្នុងខែរដូវក្តៅ ។
កីឡាករវ័យ២២ឆ្នាំរូបនេះក៏បានសហការជាមួយ Fare Share និងបានជួយរៃអង្គាសប្រាក់ចំនួន២០ លានផោនដើម្បីជួយផ្តល់អាហារដោយឥតគិតថ្លៃដល់អ្នកដែលកំពុងមានតម្រូវការពេលមានជំងឺរាតត្បាតកូវីដ-១៩ ខណៈដែលគាត់បានធ្វើការជាមួយផ្សារទំនើប និងហាងម្ហូបអាហារដើម្បីបង្កើតជាកម្លាំងចិត្តក្នុងគោលបំណងដោះស្រាយអាហារដល់កុមារ និងកាត់បន្ថយភាពក្រីក្រ។
នៅក្នុងសេចក្តីថ្លែងការណ៍មួយដែលត្រូវបានបង្ហោះនៅលើបណ្តាញសង្គម Twitter កីឡាករ Rashford បាននិយាយពីមោទនភាពរបស់គាត់ ប៉ុន្តែបានអំពាវនាវដល់លោកនាយករដ្ឋមន្រ្តី Boris Johnson ដើម្បីពង្រីកគម្រោងផ្តល់អាហារដោយឥតគិតថ្លៃបន្ថែមទៀត។
Rashford បានសរសេរថា “ខ្ញុំពិតជាមានកិត្តិយសនិងរាបទាបណាស់ ក្នុងនាមជាយុវជនស្បែកខ្មៅមកពី Wythenshawe មិនដែលគិតថាខ្ញុំនឹងទទួលយក MBE មិនដែលគិតដល់ MBE នៅអាយុ២២ឆ្នាំ។ នេះគឺជាពេលវេលាដ៏ពិសេសមួយសម្រាប់ខ្លួនខ្ញុំ និងក្រុមគ្រួសារ ជាពិសេសម្តាយរបស់ខ្ញុំដែលពិតជាទទួលបានកិត្តិយសនេះ”។
Rashford បានសរសេរបន្តថា “ការប្រយុទ្ធដើម្បីការពារកុមារងាយរងគ្រោះបំផុតគឺនៅឆ្ងាយ។ ខ្ញុំនឹងធ្វើសហគមន៍របស់ខ្ញុំ និងក្រុមគ្រួសារដែលខ្ញុំបានជួបនិងនិយាយជាមួយដោយអយុត្តិធម៌ប្រសិនបើខ្ញុំមិនប្រើឱកាសនេះដើម្បីជំរុញឱ្យនាយករដ្ឋមន្រ្តី។ ខ្ញុំមានកិត្តិយសនេះដើម្បីគាំទ្រដល់កូនៗរបស់យើងក្នុងកំឡុងពេលពាក់កណ្តាលខែតុលាជាមួយនឹងការពន្យារពេលនៃការផ្តល់ប័ណ្ណក្រីក្រ ខណៈដែលគម្រោងនេះបានដល់ទីបញ្ចប់ ហើយយើងប្រឈមនឹងភាពអត់ការងារធ្វើកើនឡើង។ សូមក្រោកឈរឡើងដោយនិយាយថា មិនមានកុមារនៅចក្រភពអង់គ្លេសមិនគួរចូលគេងឃ្លានឡើយ។ ដូចដែលខ្ញុំធ្លាប់បាននិយាយជាច្រើនដងមកហើយមិនថាអារម្មណ៍ឬយោបល់របស់អ្នកទេ ការដែលមិនមានសិទ្ធិទទួលបានអាហារគឺមិនមែនជាកំហុសរបស់កុមារឡើយ” ៕
ដោយ៖ភារៈ
