សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សមត្ថកិច្ចប៉ុស្ដិ៍រដ្ឋបាលច្បារអំពៅ២ នៃអធិការដ្ឋាននគរបាលខណ្ឌច្បារអំពៅ បានធ្វេីការឃាត់ខ្លួនជនសង្ស័យម្នាក់កាលពីវេលាម៉ោង៣និង០០នាទីរសៀល ថ្ងៃទី៨ ខែធ្នូ ឆ្នាំ២០២០ នៅភូមិកណ្តាល សង្កាត់ច្បារអំពៅ២ ខណ្ឌច្បារអំពៅ ពាក់ព័ន្ធនឹងករណីលួចអាគុយរថយន្តគេ។
លោក អ៊ុំ រតនា នាយប៉ុស្ដិ៍នគរបាលច្បារអំពៅ២បានឲ្យដឹងថា ជនរងគ្រោះឈ្មោះយ៉េត សុខ ភេទប្រុស អាយុ៣៩ឆ្នាំ ជនជាតិវៀតណាម មុខរបរលក់ដូរ ស្នាក់នៅផ្ទះកើតហេតុ។
ចំណែកជនសង្ស័យដែលសមត្ថកិច្ចឃាត់ខ្លួនឈ្មោះ វាសនា សុខហេង ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ។
លោកនាយប៉ុស្ដិ៍ច្បារអំពៅ២ បានឲ្យដឹងទៀតថា មុនពេលកើតហេតុ ជនរងគ្រោះបានទុករថយន្តម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ ២AC-៩៣៧៨ នៅចំណុចកើតហេតុ រួចចូលដេកក្នុងផ្ទះ ស្រាប់តែមានជនសង្ស័យ ៣នាក់គឺ ២-ឈ្មោះ វាសនា សុខហេង, ២-ឈ្មោះ អ៊ូ រ៉ាន់ និង៣-ឈ្មោះ ខ្លី នាំគ្នាមកលួចអាគុយរថយន្តខាងលើ (កម្លាំង១០០អំពែរ មិនចាំម៉ាក) រួចហើយនាំគ្នាគេចខ្លួនបាត់ទៅ។ លុះដល់ថ្ងៃទី៨ ខែធ្នូ ឆ្នាំ២០២០ វេលាម៉ោង៣និង០០នាទី សមត្ថកិច្ចយើងឃាត់ខ្លួនបានជនសង្ស័យម្នាក់ឈ្មោះ វាសនា សុខហេង នៅភូមិកណ្តាល សង្កាត់ច្បារអំពៅ២ បញ្ជូនមកអធិការដ្ឋាននគរបាលខណ្ឌច្បារអំពៅ ចាត់ការតាមច្បាប់ ហេីយជនសង្ស័យក៏ប្រើប្រាស់គ្រឿងញៀនផងដែរ ៕ ដោយ៖ ភារ៉ា ដង្កោ
