រកឃើញគ្រាប់យុទ្ធភណ្ឌមិនទាន់ផ្ទុះ៦គ្រាប់ប្រគល់ជូនអង្គភាពស៊ីម៉ាក់កម្ទេចចោល

ខេត្តបន្ទាយមានជ័យ៖ ​គ្រាប់យុទ្ធភណ្ឌមិនទាន់ផ្ទុះចំនួន០៦គ្រាប់ដែលនៅសេសសល់ពីសម័យសង្រ្គាម ត្រូវបានក្រុមការងារអភិវឌ្ឍតំបន់បឹងជង្រុកនិង៦៧១ ស្ថិតក្នុងឃុំទួលពង្រ ស្រុកម៉ាឡៃ  បានស្រាវជ្រាវដឹងនិងធ្វើការប្រគល់ឲ្យអង្គភាពស៊ីម៉ាក់កម្ទេចចោល នៅថ្ងៃទី១៦ខែ ធ្នូ ឆ្នាំ២០២០ ម្សិលមិញនេះ។

លោក បេន សំអាត អធិការនគរបាលស្រុកម៉ាឡៃ បានឲ្យដឹងថា គ្រាប់យុទ្ធភណ្ឌមិនទាន់ផ្ទុះ ទាំងនោះគឺជាគ្រាប់ដែលបន្សល់ទុកនៅអំឡុងសម័យសង្រ្គាម ក្នុងនោះមាន ក្បាលគ្រាប់ទំហំ 60 mm  01គ្រាប់  -ក្បាលគ្រាប់105mm  ចំនួន01គ្រាប់   -គ្រាប់មីន​ប្រភេទ 69 ចំនួន  03 គ្រាប់   -គ្រាម់មីន MBV 78 A1  ចំនួន0 1ដែលបានរកឃើញ នៅលើដីទំហំ 304 ហិ​កតា ដែលកំពុងឈូសឆាយនៅចំណុចបឹងជង្រុកនិង៦៧១ ភូមិសាស្ត្រឃុំទួលពង្រ ស្រុកម៉ាឡៃ ខេត្តបន្ទាយមានជ័យ ដែលនឹងគ្រោងចែកជូនប្រជា​ពលរដ្ឋរស់នៅតំបន់នោះ ។

លោកអធិការបានបញ្ជាក់ថា ដើម្បីបញ្ចៀសការគ្រោះថ្នាក់ដល់ប្រជាពលរដ្ឋ នៅថ្ងៃទី១៦ ខែធ្នូ២០២០ វេលាម៉ោង០៣ និង២៣ នាទី រសៀល លោក ប៉ាន់ខែម ប៊ុនថន នាយករងខុទ្ទកាល័យសម្ដេច តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានិងក្រុមការងារ ព្រមទាំងក្រុមស៊ីម៉ាក់ បានរៀបចំធ្វើការកម្ទេចចោលនៅនឹងកន្លែង ដើម្បីបញ្ជៀសគ្រោះថ្នាក់ដល់ប្រជាពលរដ្ឋនៅថ្ងៃក្រោយ ៕ ដោយ៖វណ្ណា