សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់បានទុកម៉ូតូនៅខាងមុខបន្ទប់ជួលដោយរវល់លក់ដូរស្រាប់តែមានជនសង្ស័យមកធ្វេីសកម្មភាពកាច់សោ.កបញ្ឆេះចេញទៅ តែត្រូវជនរងគ្រោះឃេីញទាន់ក៏ស្រែកថាចោរៗផ្អេីលអ្នកជិតខាងដេញចាប់បានប្រគល់ជូននគរបាល។
ហេតុការណ៍នេះបានកេីតឡេីងកាលពីវេលាម៉ោង៧ព្រឹក ថ្ងៃទី២២ ខែធ្នូ ឆ្នាំ២០២០ នៅភូមិក្បាលដំរីទី១ សង្កាត់កាកាបទី១ ខណ្ឌពោធិ៍សែនជ័យ។
ជនសង្ស័យឈ្មោះ ហក់ ហ៊ិនថាណូ ភេទប្រុស អាយុ២៩ឆ្នាំ មុខរបរនៅផ្ទះ ស្នាក់នៅសង្កាត់បឹងសាឡាង ខណ្ឌទួលគោក។
ចំណែកម្ចាស់ម៉ូតូរងគ្រោះឈ្មោះពាល់ សុឃឹម ភេទស្រី អាយុ៣៨ឆ្នាំ មុខរបរលក់ដូរស្នាក់នៅបន្ទប់ជួលក្នុងភូមិក្បាលដំរីទី១ សង្កាត់កាកាបទី១ ខណ្ឌពោធិ៍សែនជ័យ។
តាមសម្តីជនរងគ្រោះបានឲ្យដឹងថា មុនពេលកេីតហេតុរូបគាត់បានទុកម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខភ្នំពេញ1AW-3660 នៅខាងមុខបន្ទប់ជួលដោយចាក់សោ.កត្រឹមត្រូវ ខណៈកំពុងលក់ដូរស្រាប់តែជនសង្ស័យម្នាក់មកធ្វេីសកម្មភាពកាច់សោ.កម៉ូតូ ហេីយបញ្ឆេះជិះចេញទៅ។ប៉ុន្តែភ្លាមៗនោះរូបគាត់បានឮសំឡេងហើយក្រឡេកឃេីញចោរកំពុងជិះម៉ូតូគាត់ចេញទេីបស្រែកថាចោរៗបង្កការភ្ញាក់ផ្អេីលដល់អ្នកជិតខាងនាំគ្នាស្ទាក់ចាប់បានតែម្តង។
ក្រោយកេីតហេតុជនសង្ស័យត្រុូវបានប្រគល់ជូននគរបាលយកទៅចាត់ការតាមនីតិវិធីច្បាប់៕ដោយ៖សុខាសែនជ័យ
