បុរសម្នាក់ជិះរថយន្តពាក់ស្លាកលេខ «ខេមរភូមិន្ទ» រួចចុះមកអង្គុយសុខៗស្រាប់តែដួលស្លាប់

ភ្នំពេញ៖ នៅថ្ងៃទី ១៣ ខែមករា ឆ្នាំ២០២១ វេលាម៉ោង៦និង៣០នាទី ព្រឹក មានករណីបុរសម្នាក់បានស្លាប់នៅចំណុចមុខពុទ្ធសាសនាបណ្ឌិត្យ ផ្លូវរដ្ឋសភា ក្រុម៧៨ ភូមិ១៤ សង្កាត់ទន្លេ បាសាក់ ខណ្ឌចំការមន រាជធានីភ្នំពេញ ។ 

ជនរងគ្រោះ(សព)ឈ្មោះ  អ៊ូ ប៊ុនសុង អាយុ៤៧ឆ្នាំ ជនជាតិខ្មែរ ស្នាក់នៅផ្ទះលេខ១០ ផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌ មានជ័យ រាជធានីភ្នំពេញ មុខរបរយោធា ។ 

 បើតាមប្រជាពលរដ្ឋបានឲ្យដឹងថា មុនពេលកើតហេតុគេឃើញ បុរសម្នាក់បានបើករថយន្តខាងលើ ហើយបានចុះពីលើរថយន្តមួយគ្រឿងពាក់ស្លាកលេខ «ខេមរភូមិន្ទ» 2-7258 ទៅអង្គុយលើបង់ ស្រាប់តែអង្គុយសុខៗដួលស្លាប់មួយរំពេចតែម្តង។

 ក្រោយពីលោកវេជ្ជបណ្ឌិត នង សុវណ្ណរ័ត្នគ្រូពេទ្យកោសល្យវិច័យរាជធានីភ្នំពេញថា ករណីខាងលើស្លាប់ដោយជំងឺទឹកនោមប្រៃប្រចាំកាយ។ សពបានប្រគល់ឱ្យក្រុមគ្រួសារយកទៅផ្ទះលេខ ១០ ផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ភ្នំពេញ ធ្វើបុណ្យតាមប្រពៃណី ៕ ដោយ៖ជីណា