សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូបញ្ច្រាសទិសដៅចរាចរណ៍ក្នុងល្បឿនលឿនជ្រុលទៅបុកម៉ូតូវីវ៉ាដែលបើកដោយនារីជាសិស្សសាលាម្នាក់បណ្តាលឲ្យរងរបួសធ្ងន់ទាំង២នាក់។
ហេតុការណ៍នេះបានកេីតឡេីងកាលពីវេលាម៉ោង១១និង២០នាទីព្រឹកថ្ងៃទី២៣ ខែមករា ឆ្នាំ២០២១ នៅចំណុចមុខសាលាសង្កាត់ចោមចៅទី៣ តាមបណ្តោយផ្លូវជាតិលេខ៣ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញនារីសិស្សសាលាម្នាក់ជិះម៉ូតូម៉ាកវីវ៉ា ពណ៌ខ្មៅ ពាក់ស្លាកលេខភ្នំពេញ1BC- 7296 តាមបណ្តោយផ្លូវជាតិលេខ៤ក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានបុរសម្នាក់ជិះម៉ូតូម៉ាកហុងដាឌ្រីមស៊េរីឆ្នាំ២០១៣ ពណ៌ខ្មៅ ពាក់ស្លាកភ្នំពេញ1CJ-9983 ពីកេីតទៅលិចទាំងបញ្ច្រាសទិសដៅចរាចរណ៍ក្នុងល្បឿនលឿនក៏ជ្រុលទៅបុកម៉ូតូវីវ៉ាចំពីមុខពេញទំហឹងបណ្តាលឲ្យភាគីខាងម៉ូតូវីវ៉ារងរបួសបាក់ឆ្អឹងជង្គង់ខាងឆ្វេងចេញមកក្រៅ ចំណែកភាគីម្ខាងទៀតរបួសក្បែរប្រដាប់ភេទ។
ក្រោយកេីតហេតុជនរងគ្រោះទាំង២នាក់ត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ។ ដោយឡែកម៉ូតូទាំង២គ្រឿងត្រូវបានសមត្ថកិច្ចជំនាញធ្វេីការវាស់វែងយកទៅរក្សាទុកនៅប៉ុស្តិ៍ចោមចៅទី៣រង់ចាំដោះស្រាយតាមច្បាប់៕ដោយ ៖សុខាសែនជ័យ
