សមត្តកិច្ចឃាត់ខ្លួនជនសង្ស័យ៩នាក់ពីបទអំពើលួច មានស្ថានទម្ងន់ទោស

ខេត្តព្រះសីហនុ៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានអោយដឹងថា  នគរបាលបង្ក្រាប ជនសង្ស័យពាក់ព័ន្ធនឹងករណីអំពើលួចមានស្ថានទម្ងន់ទោស (កាច់បំបែកសោ.កម៉ូតូ) ។ របាយការណ៍បញ្ជាក់ថា នៅយប់រំលងអធ្រាត្រ ឆ្លងចូលថ្ងៃទី១១.០៣.២០២១ នគរបាលប៉ុស្ដិ៍រដ្ឋបាលឃុំបិតត្រាំង បានចេញល្បាតក្នុងភូមិសាស្ត្រ និងបានឃាត់ខ្លួនជនសង្ស័យចំនួន២នាក់ ពេលពួកគេកំពុងដើរចេញពីភូមិចំណោតរាម បម្រុងដើរឆ្លងថ្នល់ជាតិ ។ ក្រោយពី ឆែកឆេរលើខ្លួនពួកគេមានលាក់ទុកដែកអក្សរតេ(ឧបករណ៍កាច់កម៉ូតូ) ចំនួន១ ហើយនៅព្រឹកថ្ងៃដដែល អធិការដ្ឋាននគរបាលស្រុកព្រៃនប់ បានប្រគល់ជនសង្ស័យទាំងពីរនោះមកឲ្យ កម្លាំងជំនាញ ការិយាល័យនគរបាលព្រហ្មទណ្ឌកម្រិតធ្ងន់ ដើម្បីធ្វើការស្រាវជ្រាវបន្ដរកបក្ខពួកស្របតាមនីតិវិធី ។  នៅវេលាម៉ោង ១៣:០០នាទីថ្ងៃដដែល កម្លាំងជំនាញបានបន្ដទៅឃាត់ខ្លួនជនសង្ស័យដែលជាបក្ខពួក និងមានតម្រុយជាប់ពាក់ព័ន្ធក្នុង ករណីអំពើលួចមានស្ថានទម្ងន់ទោស(កាច់បំបែកសោ.កម៉ូតូ)នាពេលកន្លងមកក្នុងភូមិ
សាស្ដ្រស្រុកព្រៃនប់ និងក្រុងព្រះសីហនុ  ខេត្ដព្រះសីហនុ  ជាលទ្ធផលកម្លាំងជំនាញបានឃាត់ខ្លួនជនសង្ស័យសរុបចំនួន ៩នាក់ រួមទាំងសម្ភារៈវត្ថុតាងមួយចំនួន ។

*-ជនសង្ស័យទាំង៩នាក់មាន៖

១-ឈ្មោះ យ៉ុង សុខយ៉េន ភេទប្រុស អាយុ១៧ឆ្នាំ ជនជាតិខ្មែរ មុខរបរ មិនពិតប្រាកដ ទីលំនៅភូមិថ្មី ភូមិ៣ សង្កាត់៣ ក្រុងព្រះ សីហនុ ខេត្ដព្រះសីហនុ ។

២-ឈ្មោះ ឈើប ឆៃ ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិ៦ សង្កាត់៤ ក្រុងព្រះសីហនុ ខេត្ដព្រះ សីហនុ ។

៣-ឈ្មោះ ស៊ូ រាំបូ ភេទប្រុស អាយុ ៣៣ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផែរ៉ូយ៉ាល់ ភូមិ៣ សង្កាត់៣ ក្រុងព្រះ សីហនុ ខេត្ដព្រះសីហនុ ។

៤-ឈ្មោះ ឡា ប៉ៃ ភេទប្រុស អាយុ ១៧ឆ្នាំ ជនជាតិខ្មែរ មុខរបរ៖មិនពិតប្រាកដ ទីលំនៅផែរ៉ូយ៉ាល់ ភូមិ៣ សង្កាត់៣ ក្រុងព្រះ សីហនុ ខេត្ដព្រះសីហនុ ។

៥-ឈ្មោះ ភក្ដ្រ ផល្លី ភេទប្រុស អាយុ១៧ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផែរ៉ូយ៉ាល់ ភូមិ៣ សង្កាត់៣ ក្រុងព្រះ សីហនុ ខេត្ដព្រះសីហនុ ។

៦-ឈ្មោះ យ៉ាត់ សុឃឿន ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិពូធឿង ឃុំបិតត្រាំង ស្រុកព្រៃនប់ ខេត្ដព្រះសីហនុ ។

៧-ឈ្មោះ ឌី វាសនា ភេទប្រុស អាយុ១៤ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិពូធឿង ឃុំបិតត្រាំង ស្រុកព្រៃនប់ ខេត្ដព្រះសីហនុ ។

៨-ឈ្មោះ ភក្ដ្រ ភេន ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិចំណោទរាម ឃុំបិតត្រាំង ស្រុកព្រៃនប់ ខេត្ដព្រះសីហនុ ។

៩-ឈ្មោះ រឿន ភាព ភេទប្រុស អាយុ១២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិពូធឿង ឃុំបិតត្រាំង ស្រុកព្រៃនប់ ខេត្ដព្រះសីហនុ ។

*-វត្ថុតាងដកហូតបាន៖

-ឧបករណ៍កាច់បំបែកសោ.ករម៉ូតូចំនួន៤ និងកូនសោសម្រាប់កាច់ ចំនួន០១ ។

-ម៉ូតូ១គ្រឿង ម៉ាកScoopy ពណ៌ស គ្មានស្លាកលេខ ។

បច្ចុប្បន្នជនសង្ស័យ និងវត្ថុតាង ត្រូវបានការិយាល័យនគរបាលព្រហ្មទណ្ឌកម្រិតធ្ងន់ កំពុងសាកសួរបតាមនីតិវិធី៕

ដោយ៖ឆ្លាម សមុទ្រ