សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ ៖ កម្លាំងជំនាញ ផ្នែកប្រឆាំងគ្រឿងញៀន និងកម្លាំងប៉ុស្តិ៍នគរបាលរដ្ឋបាលកោងកាង នៃអធិការដ្ឋាននគរបាលស្រុកពញាក្រែក បានចុះបង្ក្រាបករណីជួញដូរ និងប្រើប្រាស់មួយកន្លែងត្រង់ចំណុចរោងជាងប៉ះកង់ឡាន ស្ថិតនៅភូមិពោធិ៍រោងលិច ឃុំកោងកាង ស្រុកពញាក្រែក ខេត្តត្បូងឃ្មុំ ហេីយបានឃាត់ខ្លួន ជនសង្ស័យចំនួន០៣នាក់ ដកហូតថ្នាំញៀនចំនួន០៤កញ្ចប់ និងឧបករណ៍សេពថ្នាំញៀន ០១សម្រាប់ ។
ជនសង្ស័យចំនួន០៣នាក់ដែលឃាត់ខ្លួន បានវេលាម៉ោង១០៖៣០នាទី ថ្ងៃទី២២ ខែមេសា ឆ្នាំ២០២១រួមមាន ៖
១. ឈ្មោះ ទុយ ប៊ុណ្ណា ភេទប្រុស អាយុ ៣៦ឆ្នាំ ជាតិខ្មែរ រស់នៅភូមិ ឃុំ កើតហេតុខាងលើ ។
២. ឈ្មោះ ជុក ជា ភេទ ប្រុស អាយុ ៤២ឆ្នាំ ជាតិខ្មែរ រស់នៅភូមិ បត់ទន្លា ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ ។
៣. ឈ្មោះ យ៉ូ ភារម្យ ភេទ ប្រុស អាយុ ៣៩ឆ្នាំ ជាតិខ្មែរ រស់នៅភូមិ បត់ទន្លា ឃុំកណ្តោលជ្រុំ ស្រុកពញាក្រែក ខេត្តត្បូងឃ្មុំ ជាមួយគ្នា ។
បច្ចុប្បន្នជនសង្ស័យទាំង៣នាក់រួម នឹងវត្ថុតាងខាងលើត្រូវបានបញ្ជូនមកកាន់អធិការដ្ឋាននគរបាលស្រុកពញាក្រែក ដើម្បីធ្វើការសាកសួរ និងចងក្រងសំណុំរឿងចាត់ការតាមនីតិវិធី ៕
ដោយ៖ វណ្ណៈ
