លោក ម៉ម ប៊ុននាង អញ្ជើញចូលរួមប្រជុំគណៈកម្មាធិការនយោបាយ នៃក្រុមសភាជាតិអាយប៉ា-កម្ពុជា តាមប្រព័ន្ធនិម្មិត

ភ្នំពេញ៖ នាព្រឹកថ្ងៃចន្ទ ទី២ ខែសីហា ឆ្នាំ២០២១ លោក ម៉ម ប៊ុននាង ប្រធានគណៈកម្មការទី១០ និងជាអ្នកនាំពាក្យព្រឹទ្ធសភា បានអញ្ជើញចូលរួមកិច្ចប្រជុំគណៈកម្មាធិការនយោបាយ នៃក្រុមសភាជាតិអាយប៉ា-កម្ពុជា ក្រោមអធិភាពលោក ឈាង វុន ប្រធានគណៈកម្មការទី៥ រដ្ឋសភា និងជាប្រធានគណៈកម្មាធិការនយោបាយ នៃក្រុមសភាជាតិអាយប៉ា-កម្ពុជា  តាមប្រព័ន្ធនិម្មិត (Online) ដើម្បីពិនិត្យ ពិភាក្សាផ្តល់យោបល់លើរបៀបវារៈចំនួន៤ គឺ ៖

ទី១.របាយការណ៍របស់កិច្ចប្រជុំក្រុមនយោបាយអាប៉ាលើកទី១២

ទី២.ការលើកកម្ពស់សន្តិសុខព័ត៌មានវិទ្យា និងការការពារទិន្នន័យចំពោះលំហរព័ត៌មានវិទ្យារឹងមាំមួយនៅអាស៊ាន (ស្នើដោយប្រ៊ុយណេ)

ទី៣.ការជំរុញសន្តិសុខមនុស្សឱ្យចម្រើនឡើងក្នុងបរិយាប័ន្នឌីជីថលសម្រាប់អាស៊ាន (ស្នើឡើងដោយប្រទេសម៉ាឡេស៊ី) និង

ទី៤.ការជំរុញលើកកម្ពស់ការទូតសភាដំណើរឆ្ពោះទៅមុខរបស់សហគមអាស៊ាន (ស្នើឡើងដោយប្រទេសថៃ) ស្ថិតនៅសាលប្រជុំគណៈកម្មការទី១០ វិមានព្រឹទ្ធសភា៕

ដោយ ៖ សិលា