សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បើយោងតាមផេកមន្ទីរទេសចរណ៍រាជធានីភ្នំពេញបានផ្សាយនាយប់ថ្ងៃទី១៨ ខែមីនា ឆ្នាំ២០២២ ម្សិលមិញនេះ រដ្ឋបាលរាជធានីភ្នំពេញដឹកនាំដោយឯកឧត្ដម ហួត ហៃ អភិបាលរងរាជធានីភ្នំពេញបានចុះបិទអាជីវកម្មក្លឹបកម្សាន្ត « ប្រាថ្នា » ដោយសារក្លឹបនេះគ្មានច្បាប់អនុញ្ញាត។
ប្រតិបត្តិការណ៍ខាងលើនេះដឹកនាំដោយរដ្ឋបាលរាជធានីភ្នំពេញ ជាមួយកម្លាំងចំរុះមានមន្ទីរទេសចរណ៍ សាលាខណ្ឌបឹងកេងកង កងកម្លាំង សង្កាត់ និងប៉ុស្តិ៍បានចុះបិទអាជីវកម្មក្លឹបកម្សាន្ត « ប្រាថ្នា » បើកដោយគ្មានច្បាប់អនុញ្ញាត និងបង្កការរំខានដល់អ្នកជិតខាង។
ជាលទ្ធផលក្រោយពីធ្វើការត្រួតពិនិត្យហើយនោះឃើញថា ទីតាំងខាងលើនេះបើកដំណើរការដោយមានការរំខានដល់បងប្អូនប្រជាពលរដ្ឋ និងគ្មានច្បាប់អនុញ្ញាត។
បន្ទាប់ពីបញ្ចប់ការត្រួតពិនិត្យ កម្លាំងគណៈបញ្ជាការឯកភាពខណ្ឌចំការមន សម្រេចបិទអាជីវកម្មក្លឹបកម្សាន្ត « ប្រាថ្នា » តែម្តង។
គួរបញ្ជាក់ផងដែរថា កាលពីម៉ោង១១និង២០នាទីយប់ ថ្ងៃទី១០ខែមីនា ឆ្នាំ២០២២ គណៈបញ្ជាការឯកភាពខណ្ឌចំការមន បានចុះត្រួតពិនិត្យក្លឹបកម្សាន្តមួយកន្លែង បន្ទាប់ពីមានការសង្ស័យថា មានលួចលាក់ប្រើប្រាស់គ្រឿងញៀន នៅត្រង់ចំណុចក្លឹបកម្សាន្ត៩៩ តាមបណ្ដោយផ្លូវបេតុង ស្ថិតក្នុងសង្កាត់ទន្លេបាសាក់ ខណ្ឌចំការមន៕
ដោយ៖ជ្រោយពេជ្រ
