សារព័ត៌មាន នគរវត្ត តែងតែនាំមុខគេជានិច្ច
ខេតត្តកោះកុង ៖ កម្លាំងនគរបាលស្រុកស្រែអំបិល បានតាមប្រមាញ់និងឃាត់ខ្លួនជនសង្ស័យម្នាក់ដែលធ្វើសកម្មភាពលួចម៉ូតូបានមួយគ្រឿងពីចម្ងាយ ហើយគេចខ្លួនមកដល់ទីនេះ ពេលចាប់បានប្រគល់ឱ្យសមត្ថកិច្ចនគរបាលក្រុងខេមរភូមិន្ទ ចាត់ការតាមច្បាប់។
ការឃាត់ខ្លួនជនសង្ស័យរូបនេះប្រព្រឹត្តទៅកាលពីវេលាម៉ោង ១០និង៣០ ព្រឹកថ្ងៃទី ១៨ ខែមីនាឆ្នាំ ២០២២ នៅចំណុចវាលស្បូវភូមិត្រពាំងរូង ឃុំត្រពាំងរូង ស្រុកស្រែអំបិល ខេត្តកោះកុង។
មន្ត្រីនគរបាលស្រុកស្រែអំបិលបានឲ្យដឹងថា ជនសង្ស័យឈ្មោះ គួយ វុទ្ធី ភេទប្រុស អាយុ២៩ឆ្នាំ មុខរបរជាងពិដាន បច្ចុប្បន្ននៅភូមិ ៣ ឃុំស្មាច់មានជ័យ ក្រុងខេមរភូមិន្ទ ខេត្តកោះកុង ។ រីឯម៉ូតូដែលជននេះលួចបានជិះគេចខ្លួនមកស្រុកស្រែអំបិលនេះ ម៉ាក HONDA DreamC125 ពណ៌ខ្មៅ ពាក់ស្លាកលេខ (កោះកុង1B 9586) ជាកម្មសិទ្ធិជនរងគ្រោះម្នាក់រស់នៅចំណុចវាលស្បូវភូមិត្រពាំងរូង ឃុំត្រពាំងរូង ស្រុកកោះកុង ខេត្តកោះកុង ។ ក្រោយលួចបានម៉ូតូមួយគ្រឿងនេះពីក្រុងខេមរភូមិន្ទហើយនោះ ជនសង្ស័យបានជិះគេចខ្លួនហើយដោយមានកិច្ចសហការពីកម្លាំងនគរបាលក្រុងខេមរភូមិន្ទរាយការណ៍ឲ្យដឹងថាជនសង្ស័យខាងលើជិះម៉ូតូដែលលួចបានសំដៅមកស្រុកស្រែអំបិល ទើបកម្លាំងនគរបាលយើងចាប់ឃាត់ខ្លួនបានទាំងមនុស្សនិងម៉ូតូតែម្តង។
បច្ចុប្បន្ន ជនសង្ស័យនិងម៉ូតូមួយគ្រឿងដែលលួចបានពីជនរងគ្រោះនេះ ត្រូវបានកម្លាំងនគរបាលស្រុកស្រែអំបិលប្រគល់ជូនសមត្ថកិច្ចនគរបាលក្រុងខេមរភូមិន្ទដើម្បីចាត់ការតាមច្បាប់បន្ត៕
ដោយ ៖ ប្រាថ្នា
