សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីស្នងការនគរបាលរាជធានីភ្នំពេញ បានឱ្យដឹងនៅរសៀលថ្ងៃសុក្រទី១៣ ខែឧសភា ឆ្នាំ២០២២នេះថា៖ សេចក្តីបកស្រាយបំភ្លឺរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ សូមធ្វើការបដិសេធទាំងស្រុងចំពោះការចុះផ្សាព្វផ្សាយរបស់បុគ្គលខិលខូច ដែលបានបង្កើតគណនីហ្វេសប៊ុកក្លែងក្លាយរបស់សម្តេចពិជ័យសេនា។
ប្រភពដដែលបន្តថា គណនីហ្វេសប៊ុកក្លែងក្លាយរបស់សម្តេចពិជ័យសេនាដែលមានឈ្មោះថា “ទៀ បាញ់” និងដាក់រូបសម្តេចពិជ័យសេនាជា ប្រូហ្វាល ដោយបានផុសខ្លឹមសារ និងយករូបភាពមន្ត្រីនគរបាលជាតិ សរសេរពាក្យពេចន៍មិនសមរម្យ ក្នុងគោលបំណងអាក្រក់ បង្ខូចកេរ្តិ៍ឈ្មោះ កិត្តិយស របស់មន្ត្រីនគរបាលជាតិ ដែលមន្ត្រីទាំងនោះគ្នាមិនបានដឹង និងទាក់ទងបញ្ហាទាំងអស់នេះឡេីយ ។
បច្ចប្បន្នស្នងការដ្ឋាននគរបាលរាជធានីភ្នំពេញ កំពុងធ្វើការស្រាវជ្រាវករណីនេះ ដើម្បីស្វែងរកជនខិលខូចនេះ មកអនុវត្តតាមនីតិវធីច្បាប់៕
ដោយ៖ស តារា
