សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនសង្ស័យម្នាក់ បានធ្វើសកម្មភាពលួចកាច់កញ្ចក់រថយន្តបានសម្រេច ហើយបម្រុងយកទៅលក់ក៏ត្រូវសន្តិសុខចាប់ខ្លួនប្រគល់ឲ្យសមត្ថកិច្ច កាលវេលាម៉ោង៣និង ៣០នាទីទៀបភ្លឺថ្ងៃព្រហស្បតិ៍ ទី២ ខែ មិថុនា ឆ្នាំ២០២២ ក្នុងបុរីមួយកន្លែង សង្កាត់ទួលសង្កែទី១ ខណ្ឌឬស្សីកែវ រាជធានីភ្នំពេញ។
បើតាមសម្ដីសន្តិសុខម្នាក់ដែលប្រចាំការពារក្នុងទីតាំងបុរីខាងលើបានប្រាប់ឱ្យដឹងថា នៅពេលកំពុងល្បាតក្នុងបុរីដូចសព្វមួយដង ក៏ប្រទះឃើញជនសង្ស័យម្នាក់ធ្វើដំណើរតាមផ្លូវក្នុងបុរី ក៏ឈប់ហៅសួរនាំរួចឃើញកញ្ចក់រថយន្តមួយចំហៀងដែលជនសង្ស័យបានកាច់បំណងយកទៅលក់ ឃើញដូចនេះក៏សង្ស័យ ព្រោះកន្លងមកនៅទីតាំងនេះ តែងតែមានករណីបាត់កញ្ចក់រថយន្តជាបន្តបន្ទាប់ជាច្រើនលើករួចមកហើយ ទើបរូបគាត់ឃាត់ខ្លួនជនសង្ស័យខាងលើ និងរកឃើញរថយន្តស៊េរីទំនើបម៉ាកalphart ពណ៌ខ្មៅ ពាក់ស្លាកលេខកម្ពុជា CEO.YUTH បានបាត់កញ្ចក់មួយចំហៀង រួចក៏ទាក់ទងសមត្ថកិច្ចឲ្យនាំខ្លួនជនសង្ស័យខាងលើយកទៅសួរនាំ ។
បច្ចុប្បន្ន ជនសង្ស័យរួមទាំងវត្ថុតាងត្រូវបានសមត្ថកិច្ចបញ្ជូនទៅកាន់ប៉ុស្តិ៍រដ្ឋបាលទួលសង្កែទី១ ដើម្បីសាកសួរនឹងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់៕
ដោយ ៖ ភារ៉ា ដង្កោ
