សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ កម្លាំងអធិការដ្ឋាននគរបាលស្រុកសំរោងទង នៅថ្ងៃទី០៨ ខែមិថុនា ឆ្នាំ២០២២ វេលាម៉ោង ១២និង០០នាទី បានចាប់ឃាត់ខ្លួនស្ត្រីម្នាក់ នៅចំណុចភូមិត្រពាំងវែង ឃុំត្រពាំងគង ស្រុកសំរោងទង ខេត្តកំពង់ស្ពឺ ពីបទរក្សាទុក ជួញដូរ និងប្រើប្រាស់ដោយខុសច្បាប់នូវសារធាតុញៀន។
ជនត្រូវចោទ ឈ្មោះ មឿន សារ៉ន ហៅ ស្រីខួច ភេទស្រី អាយុ២៩ឆ្នាំ មានទីលំនៅភូមិថ្មី ឃុំរលាំងកែន ស្រុកអង្គស្នួល ខេត្តកណ្ដាល ត្រូវបានសមត្ថកិច្ចចាប់ខ្លួនតាមដីកាបង្គាប់ឲ្យនាំខ្លួនលេខ ៦៧៦៩ ចុះថ្ងៃទី២៣ ខែ ឧសភា ឆ្នាំ២០២២ របស់លោក ងួន វុទ្ធី ចៅក្រមស៊ើបសួរសាលាដំបូងខេត្តកំពង់ស្ពឺ ពីបទ ជួញដូរ និង ប្រើប្រាស់ដោយខុសច្បាប់នូវសារធាតុញៀន ។
បច្ចុប្បន្ន កម្លាំងការិយាល័យជំនាញបានបញ្ជូនជនត្រូវចោទទៅអយ្យការអមសាលាដំបូងខេត្ត ដើម្បីអនុវត្តតាមនីតិវិធី ៕
ដោយ៖អារុណរះ
