សារព័ត៌មាន នគរវត្ត តែងតែនាំមុខគេជានិច្ច
តាមប្រព័ន្ធផ្សព្វផ្សាយក្នុងតំបន់បានដកស្រង់ការប្រកាសរបស់កម្លាំងប៉ូលិសដែលបញ្ជាក់ថា មានមនុស្ស៣នាក់ស្លាប់ និង២នាក់រងរបួសនៅក្នុងការបាញ់ប្រហារនាព្រឹកថ្ងៃទី១០ខែកក្កដា(ពេលវេលាអាមេរិក) ក្នុងពិធីជប់លៀងមួយស្ថិតនៅភាគខាងត្បូង រដ្ឋកាលីហ្វ័រនីញ៉ា ។
ជនរងគ្រោះដោយការបាញ់ប្រហារនោះមានបុរស៤នាក់ និងស្ត្រីម្នាក់ ក្នុងនោះមានបុរស៣នាក់ស្លាប់នៅនឹងកន្លែង។ ចំណែកអ្នករងរបួសបានបញ្ជូនទៅកាន់មន្ទីរពេទ្យដើម្បីសង្គ្រោះ។ នៅពេលនេះគេមិនទាន់ដឹងពីមូលហេតុដែលបណ្តាលឱ្យមានការបាញ់ប្រហារខាងលើនៅឡើយទេ។
នេះជាការបាញ់ប្រហារថ្មីបំផុតនៅអាមេរិក ។ កាលពីថ្ងៃទី ២៤ខែឧសភា ក៏មានការបាញ់ប្រហារនៅសាលាបឋមសិក្សា Robb ក្នុងរដ្ឋតិចសាស់ សហរដ្ឋអាមេរិកដែរ បណ្តាលឱ្យកុមារ១៩នាក់ស្លាប់និងមនុស្សធំ២នាក់។
ការបាញ់ប្រហារកើនឡើងនៅអាមេរិក ក្នុងឱកាសបុណ្យឯករាជ្យ ឆ្នាំ២០២២នេះ ដោយមានករណីបាញ់ប្រហារជាច្រើនបណ្តាលឱ្យមានអ្នកស្លាប់ ២២០នាក់ និង ៥៧០នាក់រងរបួស៕ ដោយ៖ ធីរីណា
រូបថត ៖ TTXVN-VNA
