សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ សិស្សសាលាជម្ពូវ័ន១ក្រុមបានហៅបក្ខពួកមកដេញកាប់គូទំនាស់ជាសិស្សសាលាដូចគ្នាបង្កការភ្ញាក់ផ្អេីលដល់បងប្អូនប្រជាពលរដ្ឋនិងសមត្ថកិច្ចនាំគ្នាដេញចាប់បាន២នាក់។
ហេតុការណ៍នេះបានកេីតឡេីងកាលពីវេលាម៉ោង១រសៀលថ្ងៃទី១៨ ខែកក្កដាឆ្នាំ២០២២ នៅចំណុចភ្លើងស្តុបមុខសាលាជម្ពូវ័ន សង្កាត់ចោមចៅទី៣ ខណ្ឌពោធិ៍សែនជ័យ ។
សមត្ថកិច្ចបានឱ្យដឹងថា ជនដៃដល់ទី១-ឈ្មោះ សូ សំណាង ភេទប្រុស អាយុ១៧ឆ្នាំ មុខរបរជាអ្នកកាត់ស្មៅ ស្នាក់នៅក្នុងសង្កាត់សំរោងក្រោម ខណ្ឌពោធិ៍សែនជ័យ និងទី២-ឈ្មោះ ទ្រី សុខនាង ភេទប្រុសអាយុ១៥ឆ្នាំ។ ចំណែកបក្ខពួកបីនាក់ទៀតជាសិស្សសាលាជម្ជូវ័នបានគេចខ្លួនបាត់។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញក្រុមក្មេងទំនេីងចំនួន២ក្រុម ដោយមួយក្រុមមានគ្នា៥នាក់ ប្រដាប់ដោយកាំបិតប៉័ងតោ៣ដេីម បានដេញកាប់ភាគីជាគូទំនាស់ម្ខាងទៀតមានគ្នា៣នាក់យ៉ាងប្រសាចពេញដងផ្លូវបណ្តាលឱ្យរងរបួសស្រាលម្នាក់ ហើយភ្លាមៗនោះប្រជាការពារសង្កាត់ចោមចៅទី៣ក៏បានទាក់ទងទៅសមត្ថកិច្ចឱ្យចុះមកធ្វេីអន្តរាគមន៍ និងឃាត់ខ្លួនបាន២នាក់យកទៅសួរនាំ។
តាមសម្តីឈ្មោះសូ សំណាង បានឱ្យដឹងថា ខ្លួនត្រូវបានមិត្តភក្តិដែលជាសិស្សសាលាជម្ពូវ័នពឹងឱ្យមកជួយសងសឹកជួសពួកគេ ព្រោះកន្លងមកភាគីដែលពួកគេដេញកាប់នោះធ្លាប់វាយមិត្តភក្តិខ្លួន ទេីបថ្ងៃនេះនាំគ្នាមកសងសឹកតែម្តង។
បច្ចុប្បន្នជនដៃដល់ត្រូវបានសមត្ថកិច្ចកំពុងសាងសួរនិងកសាងសំណុំរឿងបញ្ជូនទៅជំនាញចាត់ការតាមនីតិវិធី៕
ដោយ៖សុខាសែនជ័យ
