អភិបាលខណ្ឌកំបូល ចុះពិនិត្យមេីលសកម្មភាពដាក់លូជាបណ្តោះអាសន្ន និងជួសជុលផ្លូវ ដេីម្បីដោះស្រាយសំណូមពរ និងសម្រួលដល់ការធ្វេីដំណេីររបស់ប្រជាពលរដ្ឋ

ចែករំលែក៖

ភ្នំពេញ៖ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល ព្រមទាំងលោក សេង គន្ធ អភិបាលរងខណ្ឌ នៅព្រឹកថ្ងៃសុក្រ ៨កើត ខែស្រាពណ៍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៥ ខែសីហា ឆ្នាំ២០២២នេះ បានដឹកនាំមន្ត្រីសាលាខណ្ឌ និងសង្កាត់ ភូមិ ពាក់ព័ន្ធ ចុះពិនិត្យមេីលសកម្មភាពដាក់លូជាបណ្តោះអាសន្ន និងជួសជុលផ្លូវ ដេីម្បីដោះស្រាយសំណូមពរ និងសម្រួលដល់ការធ្វេីដំណេីររបស់ប្រជាពលរដ្ឋ។

ជាក់ស្ដែងក្នុងសកម្មភាពចុះត្រួតពិនិត្យខាងលេីនេះ ដែលមានដូចខាងក្រោម៖

១- ចុះពិនិត្យសកម្មភាពដាក់លូអមសងខាងផ្លូវ ដេីម្បីរំដោះទឹកភ្លៀង បញ្ចៀសការលិចលង់ផ្លូវថ្នល់ និងលំនៅដ្ឋានប្រជាពលរដ្ឋនៅរដូវវស្សា ស្ថិតនៅភូមិស្រែក្នុង សង្កាត់កន្ទោក ខណ្ឌកំបូល រាជធានីភ្នំពេញ ចាប់ពីចំនុចកែងផ្លូវបេតុងវត្តស្វាយផ្អែម ដល់ប្រឡាយអមផ្លូវរថភ្លេីង ប្រវែងសរុប១,០០០ម៉ែត្រ ដែលបច្ចុប្បន្ន បានដាក់រួចប្រវែង ៥,០០០ម៉ែត្ររួចហេីយ។

២- បន្តចុះពិនិត្យសកម្មភាពជួសជុលផ្លូវដែលរងការខូចខាតនៅរដូវភ្លៀងធ្លាក់ ចាប់ពីផ្លូវជាតិលេខ៤ ដល់សាលាខណ្ឌកំបូល ដោយឆ្លងកាត់ភូមិគល់ សង្កាត់កន្ទោក និងភូមិទួលសាមរ ភូមិតានួន សង្កាត់កំបូល ប្រវែង ១,៥០០ម៉ែត្រ៕