សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ដែលមានជំនាញខាងដើរលួចម៉ូតូ ត្រូវកម្លាំងនគរបាលខណ្ឌប្ញស្សីកែវឃាត់ខ្លួននៅថ្ងៃទី០៨ ខែសីហា ឆ្នាំ២០២២ វេលាម៉ោង០៦ និង០០នាទីព្រឹកនៅចំណុចផ្លូវបេតុង ក្រុមទី១៤ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ម្ចាស់ម៉ូតូរងគ្រោះឈ្មោះនី ផាន់ណា ភេទប្រុស អាយុ១៧ឆ្នាំ មុខរបរជាងជួសជុលរថយន្ត មានទីលំនៅផ្ទះជួល ផ្លូវលេខ៥៩៨ សង្កាត់ទួលសង្កែ២ ខណ្ឌឫស្សីកែវ រាជធានីភ្នំពេញ។
ជនសង្ស័យឈ្មោះ សុខ ចិន ភេទប្រុស អាយុ២៣ឆ្នាំ មានទីលំនៅផ្ទះជួលក្នុងភូមិផ្សារតូច សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ (មានសារធាតុញៀន)។
សម្ភារដកហូត៖
១- ម៉ូតូមួយគ្រឿងម៉ាក HONDA DREAM ពណ៌ខ្មៅ ស៊េរីឆ្នាំ២០២០ ពាក់ស្លាកលេខ ត្បូងឃ្មុំ ១I-៦៧៧៨ (ប្រគល់ជូនជនរងគ្រោះរួចហើយ)
២- ដែកសំប៉ែតកែច្នៃសម្រាប់កាច់សោ.កម៉ូតូចំនួន០១
៣- សោលេខប្រាំបីចំនួន០១
៤- កូនសោម៉ូតូចំនួន០១
៥- ដែកលួសកែច្នៃសម្រាប់ឆ្កឹះសោចំនួន ០១
៦- ដុំសោឡំប្រឺតាចំនួន០១
៧- ពិលពណ៌ខ្មៅចំនួន០១
៨- ទូរស័ព្ទមួយគ្រឿងម៉ាក NOKIA ពណ៌ផ្កាឈូកចាស់ លេខ ០៩៦ ២៤១ ២៦៦៨។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា នៅថ្ងៃកេីតហេតុខាងលេីជនរងគ្រោះបានចតម៉ូតូទុកនៅកន្លែងកេីតហេតុដោយភ្លេចកូនសោនៅនឹងម៉ូតូ ហេីយជួយរៀបអីវ៉ាន់ឱ្យប្រពន្ធលក់ ស្រាប់តែជនសង្ស័យដេីរមកឃេីញម៉ូតូមានសោ ឆ្លៀតឱកាសល្អក៏ធ្វេីសកម្មភាពលួចយកម៉ូតូរបស់ជនរងគ្រោះបានសម្រេចបម្រុងជិះចេញទៅ តែត្រូវជនរងគ្រោះឃេីញទាន់ក៏បានស្ទុះទៅចាប់ ហើយស្រែកឆោឡោផ្អេីលដល់អ្នកជិតខាង ស្របពេលកម្លាំងសមត្ថកិច្ចល្បាតនៅជិតនោះឃើញក៏បានធ្វើអន្តរាគមន៍ឃាត់ខ្លួនជនសង្ស័យរួមនឹងវត្ថុតាងខាងលេីនាំមកកាន់ប៉ុស្តិ៍ឫស្សីកែវតែម្តង។
បច្ចុប្បន្នជនសង្ស័យរួមទាំងវត្ថុតាងដែលដកហូតបានខាងលើ ជំនាញខណ្ឌ និងប៉ុស្តិ៍បានកសាងសំណុំរឿងបញ្ចូនទៅសាលាដំបូងរាជធានីភ្នំពេញ ដើម្បីអនុវត្តតាមនីតិវិធីច្បាប់ រីឯម៉ូតូសមត្ថកិច្ចបានប្រគល់ឱ្យម្ចាស់វិញហើយ៕
ដោយ ៖ ជីណា
