សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ បើតាមរបាយការណ៍របស់សមត្តកិច្ចជំនាញនៃអធិការដ្ឋានស្រុកសង្កែបានឱ្យដឹងថា កាលពីថ្ងៃចន្ទ ១០កើត ខែភទ្របទ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៥ ខែកញ្ញា ឆ្នាំ២០២២ វេលាម៉ោង១៦និង៣០នាទីនៅចំណុចក្រុមទី១១ ភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកឧត្តមសេនីយ៍ត្រី កុយ ហៀង ស្នងការរងទទួលផែនការងារប្រឆាំងគ្រឿងញៀន លោកវរសេនីយ៍ឯក ស៊ុន សុវណ្ណ អធិការនគរបាលស្រុកសង្កែ បានដឹកនាំកម្លាំងផ្នែកប្រឆាំងគ្រឿងញៀន រួមជាមួយផ្នែកព្រហ្មទណ្ឌនៃអធិការដ្ឋាននគរបាលស្រុកសង្កែចុះបង្ក្រាបករណី រក្សាទុកដោយខុសច្បាប់នូវសារធាតុ ញៀន១ករណីក្នុងបទល្មើសជាក់ស្តែង ដោយក្នុងកិច្ចប្រតិបត្តិការនោះកម្លាំងសមត្ថកិច្ចបានឃាត់ខ្លួនជនសង្ស័យ១នាក់ ឈ្មោះ ឌួង ប៊ុនថន ភេទប្រុស អាយុ២៧ឆ្នាំ រស់នៅភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង។
ក្រោយពីឃាត់ខ្លួនជនសង្ស័យបានហើយ សមត្តកិច្ចជំនាញបានដកហូតវត្ថុតាងរួមមានម្សៅក្រាមពណ៌សថ្លាច្រកក្នុងថង់ប្លាស្ទិកថ្លាចំនួន២៧ថង់ទម្ងន់២៨,៦២ក្រាមរួមទាំងសំបកថង់ និងថង់ច្រករំលែកថ្នាំញៀនមួយចំនួនទៀតសង្ស័យមានសារធាតុញៀន, ទូរស័ព្ទដៃចាស់ៗចំនួន ០២គ្រឿង។
ករណីនេះសមត្ថកិច្ចកំពុងកសាងសំណុំរឿងបញ្ជូនទៅការិយាល័យជំនាញចាត់ការបន្តតាមនីតិវិធី៕
ដោយ៖ស សារ៉េត
