សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បានលួចទូរស័ព្ទម្តាយមីងរបស់ខ្លួនយកទៅលក់ត្រូវបានជនរងគ្រោះប្តឹងសមត្ថកិច្ចឃាត់ខ្លួនកាលពីវេលាម៉ោង៣និង៣០នាទីរសៀលថ្ងៃទី១៣ ខែតុលា ឆ្នាំ២០២២ នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ។
ជនសង្ស័យឈ្មោះ តុង សានឡី ភេទប្រុសអាយុ២៨ឆ្នាំ ស្នាក់នៅភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ ។
តាមសម្តីជនរងគ្រោះបានឱ្យដឹងថា កាលពីល្ងាចថ្ងៃទី១២ ខែតុលា ឆ្នាំ២០២២ ជនសង្ស័យបានមកសុំលុយគាត់ចំនួន១០,០០០រៀលតែគាត់មិនឱ្យ។ លុះយប់ឡេីងខណៈគាត់លង់លក់ក្នុងដំណេកស្រាប់តែជនសង្ស័យលួចយកទូរស័ព្ទម៉ាកI phone 7plus មួយគ្រឿងយកទៅលក់បាត់។
ជនរងគ្រោះបន្តថា លុះព្រឹកឡេីងទេីបដឹងថាបាត់ទូរស័ព្ទចំណែកជនសង្ស័យក៏មិនឃេីញ រហូតមកដល់រសៀលថ្ងៃដដែលទេីបឃេីញជនសង្ស័យមកផ្ទះវិញក៏រាយការណ៍ទៅសមត្ថកិច្ចឃាត់ខ្លួនយកទៅសួរនាំតែម្តង៕
ដោយ៖សុខាសែនជ័យ
