សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ ក្រសួងបរិស្ថាន នៅព្រឹកថ្ងៃអង្គារទី២៥ ខែតុលា ឆ្នាំ២០២២នេះ បានឱ្យដឹងថា ទឹកធ្លាក់រលៀបគុយ ស្ថិតនៅក្នុងដែនជម្រកសត្វព្រៃភ្នំឱរ៉ាល់ ក្នុងភូមិសាស្រ្ភភូមិកោះខ្ទុម ឃុំជៀប ស្រុកទឹកផុស ខេត្តកំពង់ឆ្នាំង ចម្ងាយ ១២០គីឡូម៉ែត្រពីទីក្រុងភ្នំពេញ។
ក្រសួងបរិស្ថាន បានឱ្យដឹងទៀតថា ទឹកធ្លាក់រលៀបគុយ ប្រជុំទៅដោយទឹកធ្លាក់ច្រើន នឹងមានសម្រស់ដ៏ល្អឯក ដែលអាចអោយអ្នកទេសចរណ៍ទទួលបានអារម្មណ៍ស្រស់ស្រាយពីខ្យល់បរិសុទ្ធ។
ទឹកធ្លាក់រលៀបគុយ ធ្វើដំណើរពីភ្នំពេញ ដល់ភូមិកោះខ្ទុម ចំនួន១១០គីឡូម៉ែត្រ(ឡាន/ម៉ូតូ) ភូមិកោះខ្ទុម ដល់ទឹកធ្លាក់រលៀបគុយ ១០គម (ម៉ូតូ/ថ្មើរជើង)។ អ្នកទេសចរណ៍អាចបោះតង់ ពិសារអាហារ ស្តាប់សម្លេងសត្វយំនាពេលរាត្រី ដោយសុខសុវត្ថិភាព។
សូមជម្រាបដែរថា ក្រសួងបរិស្ថាន ក៏បានបង្ហាញពីដើមខោសភ្នំ ស្ថិតក្នុងដែនជម្រកសត្វព្រៃភ្នំសំកុស។
ដើមខោសភ្នំជាព្រឹក្សាកំពស់ ១២ម៉ែត្រ -១៨ម៉ែត្រដែលច្រើនដុះក្នុងព្រៃភ្នំដើមធំខ្ពស់ ហើយផ្លែវាជាចំណីរបស់សត្វព្រៃជាពិសេសសត្វខ្លាឃ្មុំចូលចិត្តស៊ីផ្លែខោសភ្នំ យើងក៍អាចយកផ្លែវាមកលីងធ្វើជាអាហារបាន៕
ដោយ៖សហការី
