សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឡិចស៊ីសLX470មួយគ្រឿងដឹកព្រះសង្ឃបេីកបរឆ្លងកាត់ផ្លូវរថភ្លេីងត្រូវបានរថភ្លេីងបុកអូសជាង៥០ម៉ែត្របណ្តាលឲ្យព្រះសង្ឃ៣អង្គរងរបួសធ្ងន់ត្រូវបានរថយន្តគ្លីនិកឯកជនដឹកទៅសង្គ្រោះភ្លាមៗចំណែក១អង្គទៀតរួមទាំងតៃកុងជាកូនសិស្សលោករងរបួសស្រាល។
ហេតុការណ៍នេះបានកេីតឡេីងកាលពី១១និង៥០នាទីយប់ថ្ងៃទី៩ ខែវិច្ឆិកាឆ្នាំ ២០២២ ស្ថិតនៅក្នុងភូមិទួលលៀប សង្កាត់ស្នោរ ខណ្ឌកំបូល រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកឡិចស៊ីសLX 470 ពណ៌ទឹកប្រាក់ ពាក់ស្លាកលេខភ្នំពេញ2L 4981 ធ្វេីដំណេីរតាមបណ្តោយផ្លូវបេតុងក្នុងទិសដៅពីកេីតទៅលិចខណៈមកដល់ចំណុចកេីតហេតុឆ្លងផ្លូវរថភ្លេីងស្រាប់តែមានរថភ្លេីងមួយខ្សែឆ្លងកាត់មកជ្រុលបុកអូសជាង៥០ម៉ែត្របណ្តាលឲ្យរថយន្តរងការខូចខាតយ៉ាងដំណំចំណែកព្រះសង្ឃ៣អង្គរងរបួសធ្ងន់ ១អង្គទៀតនិងកូនសិស្សជាអ្នកបេីករថយន្តរងរបួស្រាល ។
ក្រោយកេីតហេតុព្រះសង្ឃដែលរងរបួសធ្ងន់ត្រូវបានរថយន្តឯកជនមួយមកដឹកយកទៅមន្ទីរពេទ្យភ្លាមៗ ចំណែករថភ្លេីងក៏បន្តដំណេីរទៅមុខទៀតទៅចំពោះរថយន្តត្រូវបានសមត្ថកិច្ចយកទៅរក្សាទុកជាបណ្តោះអាសន្ន៕
ដោយ៖ សុខាសែនជ័យ
