សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានរងរបួសធ្ងន់ហើយត្រូវបានរថយន្តសាមុយដឹកបញ្ចូនទៅសង្គ្រោះនៅឯមន្ទីរពេទ្យភ្លាមៗ បន្ទាប់ពីជិះម៉ូតូតាមផ្លូវត្រូវរថយន្តNissan Frontier បុកចំពីមុខពេញទំហឹងកាលពីវេលាម៉ោង១០និង៥០នាទីយប់ ថ្ងៃទី១៦ ខែវិច្ឆិកា ឆ្នាំ២០២២ នៅតាមបណ្ដោយផ្លូវលេខ៦០៨ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុានកេីតហេតុគេឃេីញបុរសរងគ្រោះខាងលើជិះម៉ូតូម៉ាកហុងដាឌ្រីម ស៊េរីឆ្នាំ២០១៤ ពណ៌ខ្មៅ ពាក់ស្លាកលេខ កំពង់ចាម 1K-6127 តាមបណ្ដោយផ្លូវលេខ៦០៨ក្នុងទិសដៅពីកេីតទៅលិចក្នុងល្បឿនលឿនល្មម ខណ:មកដល់ចំណុចកេីតហេតុស្រាប់តែមានរថយន្តម៉ាក Nissan Frontier ពណ៌ប្រផេះ ពាក់ស្លាកលេខ ភ្នំពេញ 2AX-8904 បេីកបរដោយជនជាតិបរទេសម្នាក់ក្នុងទិសដៅបញ្ច្រាសគ្នាដោយប្រើល្បឿនយ៉ាងលឿន ហើយបានចូលមកគន្លងផ្លូវខាងម៉ូតូធ្វើឱ្យបុកគ្នាចំពីមុខពេញទំហឹងបណ្ដាលឱ្យរថយន្តនិងម៉ូតូរងការខូចខាតយ៉ាងដំណំ រីឯបុរសជាម្ចាស់ម៉ូតូបានរងរបួសធ្ងន់ ត្រូវបានប្រជាពលរដ្ឋទាក់ទងទៅរថយន្តសង្គ្រោះបន្ទាន់ចុះមកដឹកយកទៅសង្គ្រោះអាយុជីវិតភ្លាមៗ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ ហយបានសហការជាមួយមន្ត្រីជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញធ្វេីការវាស់វែងយករថយន្តនិងម៉ូតូទៅរក្សាទុកដេីម្បីរង់ចាំដោះស្រាយនៅពេលក្រោយ ៕
ដោយ ៖ ភារ៉ា ដង្កោ
