សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ កម្លាំងនគរបាលខេត្តបានសហការជាមួយក្រសួងប្រៃសណីយ៍បង្ក្រាបទីតាំងលួចតម្លើងអង់តែនឧបករណ៍ចែកចាយlnternetខុសច្បាប់នៅព្រឹកនៅថ្ងៃទី២៩ ខែវិច្ឆិកា ឆ្នាំ២០២២នេះ។
នគរបាលប្រាប់ថាៈ ដោយបានការអនុញាតពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ កម្លាំងអធិការដ្ឋាននគរបាលក្រុងប៉ោតប៉ែត កម្លាំងវរៈសេនាតូចនគរបាលការពារព្រំដែនគោក៩១១ បានសហការជាមួយ ក្រុមការងារអគ្គាធិការដ្ឋាន នៃក្រសួងប្រៃសណីយ៍ និងទូរគមនាគមន៍ ក្រុមការងារនៃនិយ័តករទូរគមនាគមន៍កម្ពុជា មន្ទីរប្រៃសណីយ៍ និងងទូរគមនាគមន៍ខេត្តបន្ទាយមានជ័យចុះស្រាវជ្រាវនិងបានបង្ក្រាបបទល្មើសបច្ចេកវិទ្យា ១ករណី នៅចំនុចផ្ទះជួលមួយកន្លែង ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត។
ប្រតិបត្តិការបង្ក្រាបនេះ ដឹកនាំដោយ លោក ង៉ាន់ ដានី អគ្គាធិការដ្ឋាន នៃក្រសួងប្រៃសណីយ៍ និងទូរគមនាគមន៍ ក្រុមការងារនៃនិយ័តករទូរគមនាគមន៍កម្ពុជានិងក្រុមការងារ អាជ្ញាធរពាក់ព័ន្ធ។
លោក លឹម ប៊ុនសុភ័ក្ត្រ ព្រះរាជអាជ្ញារង អមសាលាដំបូងខេត្ត។
សមត្ថកិច្ចប្រាប់ថាៈ ក្រុមសមត្ថកិច្ចចម្រុះដកហូរ៊តបានវត្ថុតាង ឧបករណ៍បរិក្ខាទូរគមនាគមន៍ កែច្នៃដែលជនល្មើសសម្រាប់តម្លើងអង់តែន ដើម្បីទាញយកសេវាទូរស័ព្ទ និងអុីនធើណេតពីប្រទេសថៃ ដើម្បីប្រើប្រាស់ និងលក់ចែកចាយនៅតំបន់ជាយដែនកម្ពុជា-ថៃ ដោយខុសច្បាប់ យកមករក្សាទុកដើម្បីមានចំណាត់ការតាមនីតិវិធី៕
ដោយ ៖ វណ្ណា
