សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសជនជាតិចិនម្នាក់រួមដំណើរដោយបុរសជនជាតិចិនពីរនាក់ទៀតក្នុងសភាពស្រវឹងស្រាបានបើករថយន្តម៉ាកALPHARDយ៉ាងលឿនជ្រុលចង្កូតទៅបុករថយន្តកូរ៉េដឹកបង្អែមលក់ពីក្រោយយ៉ាងពេញទំហឹងបណ្ដាលឱ្យរថយន្តដឹកបង្អែមក្រឡាប់ផ្ងារជើងម្ខាង និងចាក់បង្អែមព្រមទាំងសម្ភារលក់ដូរខ្ទាតរាយប៉ាយពេញផ្លូវ បង្កការភ្ញាក់ផ្អេីលកាលពីវេលាម៉ោង២និង១៥នាទីយប់រំលងអធ្រាត្រឈានចូលថ្ងៃទី៩ ខែធ្នូ ឆ្នាំ២០២២ នៅចំណុចមុខផ្សារដីហុយ តាមបណ្ដោយផ្លូវហាណូយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បេីតាមប្រភពព័ត៌មានពីកន្លែងកើតហេតុបានឱ្យដឹងថា មុនកើតហេតុគេឃើញស្ត្រីម្នាក់បើករថយន្តកូរ៉េដឹកបង្អែម ពណ៌ស ពាក់ស្លាកលេខស៊េរីចាស់ ច-1968-ភព-២ ធ្វើដំណើរតាមបណ្ដោយផ្លូវហាណូយក្នុងទិសដៅពីជើងទៅត្បូង លុះបើកមកដល់ចំណុចកើតហេតុខាងលើក៏បានបត់ត្រឡប់ក្រោយឆ្ពោះទៅទិសខាងជើងវិញ តែពេលបត់បានបន្តិច ក៏មានរថយន្តម៉ាកALPHARD មួយគ្រឿង ពណ៌ស ពាក់ស្លាកលេខភ្នំពេញ2BH-0277បើកបរដោយបុរសជនជាតិចិនម្នាក់ និងមានបុរសជនជាតិចិនពីរនាក់ទៀតរួមដំណេីរជាមួយតាមបណ្ដោយផ្លូវហាណូយក្នុងទិសដៅពីត្បូងទៅជើងក្នុងល្បឿនលឿនក៏ជ្រុលទៅបុករថយន្តដឹកបង្អែមពីក្រោយពេញទំហឹងបណ្តាលឱ្យរថយន្តដឹកបង្អែមក្រឡាប់ផ្ងារជើងម្ខាងខ្ទាតបង្អែមនិងសម្ភារលក់ដូររាយប៉ាយពេញផ្លូវ តែសំណាងល្អស្ត្រីអ្នកបើករថយន្តដឹកបង្អែមគ្រាន់តែរងរបួសស្រាលប៉ុណ្ណោះ។
ក្រោយកើតហេតុ ភាគីទាំងពីរបានធ្វើការសម្របសម្រួលគ្នាអស់មួយសន្ទុះធំ បន្ទាប់មកភាគីបង្កព្រមចេញសំណងនៃការខូចខាតចំនួន៧០០ដុល្លារទៅឱ្យភាគីរងគ្រោះដើម្បីបញ្ចប់រឿងនៅនឹងកន្លែងកើតហេតុម្ដង៕
IMG_7599 IMG_7602 IMG_7600 IMG_7605 IMG_7603
ដោយ ៖ ភារ៉ា ដង្កោ
