🔥ស្លាប់ម្នាក់រងរបួសធ្ងន់ម្នាក់ក្នុងហេតុការណ៍គ្រោះអគ្គិភ័យឆេះផ្ទះល្វែងក្នុងបុរីលន​ ស៉ីធីនៅសង្កាត់ចោមចៅទី២

ភ្នំពេញ៖​ អគ្គិភ័យបានឆាបឆេះផ្ទះលក់ដ្រូន​ មួយកន្លែងក្នុងបុរីលន​ ស៉ីធី​ យ៉ាងសន្ធោសន្ធៅបណ្តាលឱ្យជាប់មនុស្សស្លាប់ម្នាក់និងរងរបួសធ្ងន់ម្នាក់​។ 

ហេតុការណ៍នេះបានកេីតឡេីងកាលពីវេលាម៉ោង៨និង៥០នាទីយប់​ ថ្ងៃទី១៧ ខែមីនា ឆ្នាំ២០២៦ នៅផ្ទះលក់ដ្រូន ដែលមានឈ្មោះប្រូហ្វីត លីងឃើរ (ខេមបូឌៀ) តាមបណ្ដោយផ្លូវលេខ៩ បុរីលនស៊ីធី ភូមិព្រៃព្រីងខាងត្បូង១ សង្កាត់ចោមចៅទី២ ខណ្ខពោធិ៍សែនជ័យ រាជធានីភ្នំពេញ។

ជនរងគ្រោះ មានឈ្មោះ លី ចិន្ដា ភេទស្រី អាយុ៦៣ឆ្នាំ រងរបួសមួយចំហៀងខ្លួន ត្រូវបានសាច់ញាត្តិបញ្ជូនទៅមន្ទីរពេទ្យ។ 

ចំណែកសព មានឈ្មោះ ជា មួយសុង ភេទប្រុស អាយុ៦៤ឆ្នាំ ស្លាប់នៅនិងកន្លែងកើតហេតុ។ 

តាមប្រភពព័ត៌មានបានឱ្យដឹងថា​ មុនពេលកេីតហេតុគេបានឃេីញអណ្តាតភ្លេីងឆេះយ៉ាងសណ្ធោសន្ធៅចេញពីក្នុងផ្ទះតាមបង្អូចភ្លាមនោះបងប្អូនប្រជាពលរដ្ឋដែលនៅក្បែរក៏បាននាំគ្នាយកបំពង់ពន្លត់អគ្គិភ័យមកបាញ់ពន្លត់ដែរតែមិនអាចគ្រប់គ្រងបានក៏សុំជំនួយពីកងប្រតិបត្តិការរុករកនិងសង្រ្គោះគ្រោះមហន្តរាយ៧១១ កងពលតូចលេខ៧០  ការិយាល័យបង្ការពន្លត់អគ្គិភ័យ និងសង្រ្គោះនៃស្នងការដ្ឋាននគរបាលរាជធានីភ្នំពេញ និងស្ថានប័នជំនាញពាក់ព័ន្ធដេីម្បីអន្តរាគមន៍។ 

ក្រោយពីទទួលបានព័ត៌មានភ្លាមកងប្រតិបត្តិការរុករកនិងសង្រ្គោះគ្រោះមហន្តរាយ៧១១ កងពលតូចលេខ៧០  ការិយាល័យបង្ការពន្លត់អគ្គិភ័យ និងសង្រ្គោះនៃស្នងការដ្ឋាននគរបាលរាជធានីភ្នំពេញ និងស្ថានប័នជំនាញពាក់ព័ន្ធក៏បានចេញប្រតិបត្តិការមកដល់ទីតាំងកេីតហេតុភ្លាមៗ​ ដោយប្រេីប្រាស់រថយន្តពន្លត់អគ្គិភ័យជាច្រេីនគ្រឿង។ 

ផ្ទះដែលឆាបឆេះខាងលេីមានកម្ពស់៣ជាន់ ប្រវែង៤ម៉ែត្រx១៣ម៉ែត្រស្មើនិង០២ល្វែង​ ខូចខាត​ សម្ភារ:ប្រើប្រាស់មួយចំនួន ។ 

ចំពោះមូលហេតុ សមត្ថកិច្ចជំនាញកំពង់ស្រាវជ្រាវ

ក្នុងករណីអគ្គិភ័យខាងលើបណ្ដាលឱ្យរងរបួស០១នាក់ និងស្លាប់០១នាក់។ 

ប្រតិបត្តិការពន្លត់អគ្គិភ័យខាងលើគ្រប់គ្រងបាននៅវេលាម៉ោង ៩និង១០នាទី ថ្ងៃដដែល៕

ដោយ៖សុខាសែនជ័យ